劉偉強昨晚舉行55歲生日派對，他與太太手拖手到場。
導演劉偉強昨晚在西貢匡湖居的會所舉行55歲生日派對，現場有一張類似電影《賭城風雲II》的海報，不過主角就換上了劉偉強與戴白色頭盔的人，主題為「劉強X傻強玩轉生日派對生日風雲II」，認真搞笑。
壽星劉偉強與太太一早到現場打點，問到生日願望時，劉偉強說：「我希望身體健康，越嚟越後生，唔單止我同老婆仔女，身邊每一個朋友都係，嚟緊會開《賭城III》，希望拍攝順利。」問到發哥周潤發會否到賀？他笑說：「你哋請佢嚟啦，今晚都係食飯同飲酒，只係諗住搵個機會大家聚吓。」再問周杰倫又有否致賀？劉偉強則說：「應該係我恭喜佢先啱，佢生BB嘛，生多啲啦。」
黃秋生帶限量版金箔酒出席派對。
葉童孖老公與派對主題海報影相留念。
（左起）任達華、王子涵與王晶到賀。
不少好友陸續到場，包括葉童夫婦、向華強夫婦、黃秋生、曾志偉、成龍、張達明和囡囡、王晶和王子涵等，任達華拿着兩支由意大利帶回來的靚酒到賀，而同樣帶酒來的秋生則說：「我準備咗一支限量版金箔酒送畀佢。」他表示未與周杰倫聯絡，託大家向他送上祝福，笑問會否唱首歌給他？秋生說：「我以為你哋問我興起會唔會生番個，嚇死我，我𠵱家係音樂家，開心會唱歌，係終極魔王。」
採訪：張俊銘
攝影：陳俊強
from:
http://hk.apple.nextmedia ... 150405/19101869
