850票崔碧珈雖擁有36E巨乳惹火身材，可惜無緣進入最後12強。資料圖片
周星馳籌拍的科幻電影《美人魚》高調在中港台進行選拔，各地女星個個爭崩頭恨做星女郎，12強結果要待明天才於網上正式公佈。但本報昨日收到可靠消息，行蹤低調的星爺有份親自揀女，香港五位代表中，只有「崔Big瓜」之稱的崔碧珈在43強被踢出局。
（左起）據悉Kabby、寸嘴Barbie、蔚雨芯和松岡李娜順利入圍12強，有機會爭做美人魚。
Kabby最高分
崔Big瓜雖然擁有36E的巨乳身材，但截至昨日下午6時半為止僅得八百餘票，而其他港女星分別有五至八萬多票，最高分為許雅婷（Kabby）、另外蔚雨芯（Rainky）、松岡李那，還有上載騎呢rap片的寸嘴Barbie夏尉喻都成功入選，崔Big瓜昨在電話中表示未有失望，她說：「未收到正式通知（落選），冇特別理個數字，有得入圍43強已經好開心，見識好多嘢。」
據悉最後入圍的12位美人魚候選人將於下月9日到深圳參與為期五天的特訓，據知他們由朝早8時至晚上8時，輪流練習游水、閉氣和體能訓練。為選拔擔任評審的錢國偉只承認有游水練習，他昨日接受本報電話訪問說：「冇可能咁多個鐘啦，又唔係當兵；但做美人魚一定要熟水性，所以適量訓練係對佢哋好。」
星爺向來獨具慧眼，不少初入行女星恨做星女郎。資料圖片
唔怕游水訓練辛苦
得票最高的Kabby說：「唔怕辛苦，未驚過，平時喺屋企都好似軍訓式生活，我游曬四式都冇問題。」另一有傳將入圍的Rainky興奮地說：「我之前自彈自唱嘅《來自星星的你》主題曲畀星爺睇，我相信機會係留畀有準備既人。」寸嘴Barbie則「臨急抱佛腳」學游水，她說：「希望唔會好似條片咁變咗浮屍，起碼學識呼吸先，幾辛苦訓練都唔怕。」據悉星爺會在9月尾的最後4強賽事才現身，屆時男主角小豬羅志祥亦會擔任評判。
採訪：嵐山
From:
http://hk.apple.nextmedia.com/entertainment/art/20140828/18846794
