周星馳籌拍中的科幻電影《美人魚》在中港台進行網上招募，6位港星殺入43強試鏡選拔賽，當中以夏尉喻（寸嘴Barbie）最搏命，早前自拍國語rap版美人魚hit爆網絡，連笑匠杜汶澤都扮她拍「媚忍魚」。自認喜歡搞笑的Barbie日前跟有份選角的導演錢國偉、蔚雨芯、松岡李那、許雅婷（Kabby）及兩位內地參賽者一齊玩冰桶挑戰，穿上粉紅泳衣曬巨胸的Barbie和蔚雨芯不約而同向星爺下戰書，Barbie笑說：「我個腦淨係諗到周星馳、Stephen Chow同星爺，好耐未見過佢搞笑樣，希望見到佢淋冰。」
北京選秀緣慳一面
Barbie表示在北京一星期仍未有機會見星爺一面，但已看遍星爺所有電影，她說：「我見星爺都好鍾意喺電影上唱歌，例如Only you、少林功夫勁（學星爺走音），但佢未rap過，我咪試嚇。」Barbie自言有信心入最後四強，她說：「我同一個連續攞兩屆摔交冠軍嘅女仔一間房，我覺得佢係做二、三師弟嗰啲材料，既然我可以同佢一間房，即係代表我都有機會。」有傳星爺邀請有份面試𡃁模半夜遊船河，Barbie無奈表示未獲邀，揚言好恨與星爺傳緋聞，並不怕被指抽水，她說：「如果同星爺傳緋聞係我無上光榮，唔怕俾人話主動，呢個先係我本來風格。」
蔚雨芯則希望用才藝吸引星爺，穿上黑色tube top在北京街頭自拍跳舞片，她昨在電話中說：「我仲有耍五步拳、太極同唱歌，我淨係帶咗條白色裙同粉紫色泳衣，想表現青春、簡單一面畀星爺睇，同時亦好期待星爺用冰淋自己。」
採訪：嵐山
攝影：沈健程
From:
http://hk.apple.nextmedia ... 140822/18840010
