寫真戰如箭在弦，掀起一班o靚模老嫩大激鬥！33歲的「寫真界元老」黃榕今年繼續裸到盡，斗膽在鬧市上空赤條條，僅穿C字褲遮掩下身，噴血程度爆燈！o靚模組合冬甩則Sell嫩口，年僅19歲的成員Elise最搏命，只靠一條毛巾遮胸前兩點！
年僅19歲的Elise趁世界盃熱，以足球毛巾遮胸前兩點。
書展下月中降臨，亦是一眾o靚模出寫真博上位之時。今年有不少新舊臉孔參戰，大致可分為「元老組」黃榕及仙樂都，「中生代」蕊蕊及劉俐，以及「嫩口組」冬甩、School Girl和李蘊同門Leona K.等。眾女各出奇謀鬥性感、鬥噱頭，一眾「球迷」睇世界盃之餘亦不愁寂寞！
鬧市上空拍攝
33歲熟女黃榕已第四年出寫真，今年以跳舞及藝術主題做包裝，最激一輯相片依然令人睇到眼凸！她在位處廿多樓的鋼管舞場落地玻璃前剝清光對住觀塘鬧市，上身靠角度遷就避過走光，下身只穿絲襪及襪帶，敏感部位則以C字褲遮掩，噴血程度爆燈。問到會否怕被途人睇蝕？她說：「下面有游泳池同差館，嗰陣真係有人，但佢哋應該冇望上嚟，我係咁催攝影師影快啲。至於C字褲係第一次著，好似冇著嘢咁，事前做曬清理工夫，感覺幾尷尬！」
Ｃ字褲是潮人恩物，黃榕亦跟風穿上影寫真。
冬甩成員KamKam（左起）、Elise、Elke及Biona強調寫真集是健康性感。
Biona是澳門人，笑言在老虎機前取景有親切感。
黃榕的寫真暫被列為Ⅰ級物品，即讀者沒有年齡限制，她開心地說：「係有全裸相，但好有藝術感覺，完全唔低俗，好贊成呢個決定！」此外，黃榕昨日出席網絡紅人「朱主席」朱壽仁的亞洲粉絲會成立活動，兩人跳唱《擋不住的風情》鬥走音，High爆的朱主席抱著黃榕又轉又Fing，被抱起的黃榕露出黑色打底褲。
性感先斬後奏
另一邊廂，o靚模組合冬甩Sell青春，主將陳芷敏（Elke）、陶嘉瑩（Elise）、鄭安那（Biona）及金慧君（KamKam）趁世界盃熱玩撕波衫誘惑，當中19歲Elise最拚搏，原本上圍32B的她繼續發育至32C，她只靠一條足球毛巾遮兩點，挑戰個人性感極限。Elise笑言拍拖四年的男友冇呷醋，但原來是先斬後奏：「佢好開通！不過佢事前唔知我影呢輯相，應該冇事嘅。」雖然Elise靠性感搶盡隊友「峰」頭，但她們槍頭一致對外，寸爆對手老：「佢哋年齡平均大我成10年以上！佢哋應該早多10年出寫真啦！」
文：影視組、專案組
from:
http://orientaldaily.on.c ... /00282_001.html
