現年32歲的袁嘉敏認為是時候作出轉變。攝影：仇志德
現年32歲的袁嘉敏憑34D在電影《鴨王》殺出血路，在今個月舉辦的書展中，推出名為《親蜜》散文集加半裸相集，之後會封胸淡出幕前，專心其OL工作。新書中有半裸、內衣誘惑、泳裝、晚裝等造型。今次自資出書，美指服裝一腳踢，由女攝影師操刀，只有化妝梳頭是男性。
袁嘉敏在今年書展推出《親蜜》散文相集，紀念入行12年。
袁嘉敏稍後會返朝九晚五的工作，封胸淡出幕前。
袁嘉敏跟外籍男友（右）感情告一段落，她透露目前有三位男士追求。資料圖片
21歲先初戀
袁嘉敏花了五個月完成新書，內容有不少是自我剖白，她說：「有男士以為我好豪放，其實我一放學就去打工，成個中學時期都冇初戀，寫番呢一段路都有遺憾，只得返學返工，直至21歲時先初戀，喺餐廳工作，認識咗一個客人，佢成日幫襯我，當時喺跑馬地工作。」
比較令袁嘉敏感觸是之前有兩位男友，未能細水長流，她說：「細個爸爸媽媽做街市，小學一年級好細個就會落去幫手，大啲就去澳洲讀書，為生活好奔波，有時會好羨慕身邊同學讀書唔使咁辛苦，只係返學，出嚟工作又好舒服坐office，我就好似成日跑嚟跑去居無定所。」
「三級片係詛咒」
在娛樂圈多年，袁嘉敏的角色都離不開床戲、出軌女人、妓女等，演《鴨王》後她返澳洲過田園生活，摘生果避世減壓，事後回想拍三級片賺的錢，可以用其他方法賺，她說：「三級片係一個詛咒，離開無綫時諗住去做文職，點知突然好多電影搵我，幸運係好多人記得我拍過呢幾套戲，好過拍完冇人知。近日喺機緣巧合識咗位生意人，要返朝九晚五做OL，條件係唔可以好似以前咁行性感。」
另外，袁嘉敏跟外籍男友戀情玩完，近日跟黎諾懿大舅Ivan傳緋聞，但她堅稱單身：「有三位土生土長男士追緊，想睇定啲，覺得之前位外籍男友好嘥我時間，最後做番朋友。」
採訪：卓寶花
from:
http://hk.apple.nextmedia ... 170712/20086204
