王璐瑤拋胸裝身，涼茶頂肚

o靚模王璐瑤（LuLu）趁暑假推出第三本寫真，臨門一腳卻突然被截停，據知是投資者嫌她肥，下令LuLu兩週內狂減10磅！努力減肥的她日前現身灣仔，雖然清減不少，幸好招牌巨咪仍保得住，同行的「綠魔」許嘉浩（Karl）卻連番取笑她有麒麟臂，令她要齋飲涼茶頂肚。

王璐瑤被勒令減肥，幸好仍保住34D巨咪！

擁34D逼爆上圍的王璐瑤（LuLu）過去兩年均出寫真大騷本錢，今年暑假當然也不例外，為食的她打算以飲食做主題，化身性感「味之天使」，惜準備開工時卻遇上阻滯。據知早前LuLu因賀爾蒙失調，導致身形暴脹而被嘲肥妹，為免趕客令寫真滯銷，投資者也不敢冒險「倒錢落海」，惟有勒令她於兩週內揈走10磅，否則立即foul她出寫真戰！見出書之期逼近，LuLu只好戒口、做運動兼飲中藥，三管齊下挑戰「不可能任務」！

玩出火黑面
日前下午三時許，身穿背心熱褲的LuLu，被發現與好友「綠魔」Karl（許嘉浩）現身灣仔時裝店，兩人拎起性感連身裙左襯右襯，相信是為寫真作準備。期間LuLu換上密實花綠綠恤衫，嫌領口太高的Karl即為她解釦，瞬間釋放LuLu的34D巨咪。俯身揀首飾時，LuLu更拋出4吋事業線，清減不少的她幸保胸前兩舊脂肪。不過，「嚴師」Karl似乎未收貨，連番「賤嘴」兼拍打LuLu的麒麟臂，甚至笑她有Bye-Bye肉，令LuLu一臉尷尬。

Karl不停寸王璐瑤有麒麟臂。

王璐瑤飲涼茶飲到乸口乸面。

兩人經過烤餅店時，骨瘦如柴的Karl買了兩份「肥膩餅」醫肚，難抵美食誘惑的LuLu在旁喪吸香氣，更伸手搶要Karl請食一啖，可憐的她秒速被對方拒絕，Karl還抵死地食到舔舔脷，最終玩出火令LuLu黑面，住手機快步向前行。知衰的Karl立即耍冧，出錢請LuLu飲涼茶清腸排毒，但女方似乎唔多buy，一度飲到乸口乸面。
from:http://orientaldaily.on.c ... /00282_016.html

o靚模王璐瑤（LuLu）昨日到灣仔一所日本餐廳，拍攝寫真《你的LuLu女神美食週記》，穿露腰裝的她大騷4吋事業線，LuLu坦言用了半年食勻全港，日食四餐以致發胖，最重時期達120磅，幸現已回落9磅，但驟眼看依然脹爆，難怪有傳投資者勒令她減磅方可出書。

王璐瑤穿露臍裝兼大晒4吋事業線。

LuLu笑說：「世界盃個個邊睇邊食，我就玩住呼拉圈同跑步機。（怕唔怕唔夠其他o靚模鬥？）我覺得我今年贏晒喎！佢哋市場係宅男，我就老少咸宜，銷量肯定好過佢哋，今年應該會出五萬本，再擺書局賣，今年堂堂正正入書展！」她又指寫真文化愈玩愈騎呢，因此將主力介紹美食。問何不以「女體盛」（日本漢字，意即少女以裸體當餐具）造型拍照？她笑說：「太激喇！驚冇人食，啲刺身都熱晒，仲有我啲體香。」

王璐瑤在寫真中除了會介紹美食，她還會寫食評。
from:http://orientaldaily.on.c ... /00282_014.html

一向好「波」的o靚模王璐瑤亦有留意今屆世界盃賽事，並支持心儀的德國隊，化身性感美少女啦啦隊打氣，獲德國隊帶挈贏錢的她，又指湯馬士梅拿靚仔又好波，雖然目前單身，直言不排除試愛德國男！

身穿德國波衫的LuLu，直言睇好德國隊捧走世界盃。

巴西世界盃掀起全城球迷狂熱，吸引好「波」之人王璐瑤（LuLu）化身做惹火啦啦隊，為心儀的德國隊打氣，以貼身波衫上陣的LuLu，大騷事業線，更豁出去露股邊贈興，她笑言撐德國隊原因簡單：「以前冇睇波，今年見個個都講世盃，所以就奉獻第一次，打算湊吓熱鬧順便投注，試吓自己眼光，買咗好多人都睇好嘅德國隊，結果帶挈贏咗唔少錢，所以決定嚟緊都必撐德國，希望佢哋可以捧走冠軍！」

鍾意有味男
LuLu又大讚球員有魅力：「睇住佢哋跑嚟跑去，流晒汗衝鋒陷陣，覺得好型！唔怕佢哋有臭味，反而覺得係男人味！好似德國隊嘅球員湯馬士梅拿咁，靚仔又好波，我一定支持佢！」問到會否想飛到德國，識個德國男朋友時，她笑言：「未去過德國，唔知德國男仔性格係點，有機會都想接觸吓！」

LuLu覺得球員流到滿身大汗，有男人味。

LuLu自言未踢過足球，但戴上巨型手套扮守龍門。

嫌C朗花心
雖然LuLu對靚仔情有獨鍾，但對另一位球壇萬人迷、葡萄牙的C朗拿度就耍手擰頭，她解釋說：「係就係靚仔，但太花心喇，佢嘅緋聞橫跨黑人白人，咩國家都有，太誇張喇！同埋我以前啲男朋友唔多唔少都係花心男，所以見到C朗唔太鍾意佢。」
from:http://orientaldaily.on.c ... /00282_045.html