無線另一隊世界盃天書派發大軍包括何傲兒、馬賽、羅孝勇、楊潮凱，昨午五時現身銅鑼灣鬧市，由於是放工時間，即吸引大批市民及遊客爭相圍觀，雖然無線出動八名保安以「人盯人」防守戰術護駕，但不少人仍然蜂擁而上，又攞書又要合照，場面非常哄動！馬賽見狀亦興奮表示：「好少喺銅鑼灣派嘢，市民好有興趣攞特刊呀，好熱情！」而何傲兒亦透露大人細路都勁buy特刊：「小朋友都過嚟攞，可能佢哋知爸爸鍾意睇波，攞畀爸爸睇。」
何傲兒（左起）、馬賽、楊潮凱與羅孝勇現身銅鑼灣，背後即擠滿等攞特刊的市民。
至於羅孝勇則笑言喪吸女士埋身：「一本都冇畀人拒絕過！」而連走兩場的楊潮凱則不忘同球迷講波經，他激讚眾人反應好：「嘩！好多人爭住拎，本來手上勁大疊，但已經極速派曬！同埋本特刊賽程勁齊勁易睇，有咗佢唔驚miss任何一場賽事啦！」
馬賽（左）與何傲兒有保安護駕，落力派天書。
from:
http://orientaldaily.on.c ... /00282_003.html
