分手3個月揭何家苛索周子揚拒月付20萬棄戀何傲兒

27歲的何傲兒（Lily）去年被爆與78歲的林建名發展「爺孫戀」外，又與「西貢地王」太子爺周子揚拍拖，周旋兩個男人之間。但據悉何父何世根一直嫌棄周子揚家境未達富豪級，多次要求他們分手，兩人最終在3個月前正式斷䌫！周子揚昨在電話中大爆每月被何家苛索20萬生活費，他無奈地說：「真係有諗過搵多啲錢幫佢屋企，達到佢爹哋要求。」

何傲兒和周子揚這段「兒子戀」愛得難捨難離，即使多次被影到啜爆、外遊拍拖，依然死口不忍相戀。據悉「兒子戀」一直承受非常大的家庭經濟壓力，何父何世根曾是馬主，擁多間公司及14個物業，包括逾千萬長沙灣舖王，但好景不常，去年2月何父突自行入稟高院申請破產，從此家道中落，經濟重擔亦落在兩個女兒身上。

何父破產後性情變

何父之後性情大變，嚴格監管女兒的男友，尤其不喜歡她們與圈中人拍拖，反而想找一位超級富豪，幫到屋企經濟的男人做未來女婿。據聞周子揚與傲兒一直是真心相愛，周子揚為𠱁何父，每逢大時大節都會送禮到何家，惟何父覺得他家境「唔達標」，連見家長機會都冇。相愛不能愛，令傲兒終日以淚洗面，最終於3個月前向周子揚提出分手，結束一年情。

周子揚昨在電話中坦承今年9月分手：「係，每次我哋俾人影到，Lily嘅爹哋都會極力去提出要我哋分開，惟有順應佢爹哋，尊重佢。」周子揚還驚爆被何家苛索每月6位數的生活費，可惜自己冇能力，他說：「GiGi（何傲芝）曾親口提出問我攞10萬至20萬每月生活費畀佢屋企，如果畀唔到，就唔使同Lily再繼續拍拖；佢哋屋企又曾經有啲稅務問題，問過我攞20幾萬，我有諗過努力搵錢，或去做借貸幫佢哋，但同屋企人商量後覺得奇怪，所以拒絕咗。」

周子揚拒向何家月付20萬生活費，最終與傲兒分手。資料圖片

何世根盼兩女兒傲芝（右）和傲兒能嫁個有錢人。

何傲兒早前簽約成林建名旗下，被網民取笑「下嫁」林建名。資料圖片
強調二人真心相愛

問周子揚分手是否與林建名有關？他似有難言之隱說：「主要係何父畀壓力Lily，我知道林生冇畀壓力，我相信我哋係真心相愛，好可惜根本有啲問題係解決唔到，我個人點解決箒？咁複雜。」另有傳周子揚經常夜蒲媾女導致分手，他昨表示好冤枉：「之前冇正式交代分手，我𠵱家單身，同朋友聚會好正常；但我好肯定同Lily一齊時好專一，真係有諗過搵多啲錢幫佢屋企，達到佢爹哋要求。」林建名則至截稿前仍未回覆。

日前傲兒為本報拍攝聖誕專輯，透露今個聖誕節已回覆單身：「我會同同事開大食會，以前會約埋苟芸慧同陳敏之過，希望今年都有時間一齊開party。」她自爆曾經收過男同學親手織的頸巾：「可惜嗰陣拒絕咗，但諗番都好sweet。」她謂明年會專心工作，不談戀愛：「轉戰樂壇唔想偷懶，以前喺電視台只要做好自己本份就得，𠵱家好多嘢要自己落手落腳，唔係就會少咗機會。」

採訪：嵐山、盧妹
場地提供：MegaBox
化妝：Joico of Gingko Makeup
髮型：Steve of HAiR
from:http://hk.apple.nextmedia ... 151225/19425467

何傲芝被指要周子揚每月給20萬生活費，才能與其胞妹何傲兒繼續拍拖。資料圖片
周子揚前日大踢爆前女友何傲兒家姐何傲芝苛索每月20萬生活費，消息轟動全城，昨日何傲兒發出嚴正聲明指周子揚之說法全屬揑造，絕無事實根據，將保留一切法律追究權利。

本報昨致電周子揚問他會否擔心被起訴？他說：「我將真說話講出嚟，曾經真係佢家姐何傲芝，確確實實問我要求畀每月生活費，如果唔係唔好同佢個妹繼續拍拖，確確實實問過我攞20幾萬去交稅。我講嘅全部屬實。」他續說﹕「佢（何傲芝）打畀我時都好突然，幾兇，我當時都好驚。」

何傲兒昨發聲明反擊指周子揚所說的20萬生活費，全屬揑造。

蕭正楠避談傲芝

周子揚又滿懷感觸說：「對得住自己對得住人。我係好心痛我哋四個以前感情好好，我會諗番起我同何傲兒、何傲芝，仲包括佢男友張明偉四個人一齊去旅行……大家以前嘅友誼、愛情好似變咗……點解去到呢個地步？」問周子揚為何主動踢爆醜事？他說：「我唔講出嚟，對我嚟講係一個長時間嘅內心抑壓，我自己都會變成抑鬱。我唔係想傷害佢哋兩姊妹。」周子揚言語間若有所指，似對何父不滿：「佢哋兩個都大個，應有自己權力去選擇自己嘅伴侶同方向，希望長輩能畀年青人有自己嘅空間同選擇。」

何傲芝（GiGi）前男友蕭正楠（Edwin），曾被指跟何傲芝拍拖期間，被當作提款機。昨日蕭正楠在油塘出席活動，被問到當年跟GiGi拍拖有沒有畀過錢？Edwin苦笑說：「呀……冇呀，其他人嘅嘢唔想答。」追問之下他表示當年跟GiGi拍拖有見過何爸爸，之後又搖頭苦笑說：「點解要咁？過咗去就由佢過去，我唔記得晒喇！」

張明偉昨在fb力撐何傲芝，更指周子揚居心叵測。

另外，張明偉在fb力撐何傲芝：「我實在對周先生嘅言行非常失望。我認識嘅傲芝傲兒，都係刻苦工作嘅人……周先生……傷害朋友，有失風度之餘實在居心叵測。」

採訪：黃曉妍、嵐山
from:http://hk.apple.nextmedia ... 151226/19426886

愛嘅反面就係恨……曾經講過好愛Lily(何傲兒)嘅周子揚，曾經真心相愛，13啜傲兒BB，日前聲稱唔忍心見到何傲兒面對好大壓力，才大爆分手原因。但事後何傲兒及姐姐何傲芝一齊發聲明指，佢哋從冇問周子揚每月拎廿萬生活費等，周子揚所講嘅全屬捏造、絕無事實根據，更稱將會以法律途徑追究。

周子揚同何傲兒近日是非不絕，昨日更有雜誌指，佢哋分手原因，其實導火線係男方多次劈腿，最終被傲兒BB狠飛。

報道更指，西貢地王之子周子揚係「空心老倌」，指周父地產買賣全屬名下8間公司操作，形容地王爸爸冇幫阿仔月付廿萬維持戀情，而且周子揚出道6年，發展麻麻，收入唔多。咁其實，周子揚接受本報訪問嗰陣，都有講過話何家要求佢月付廿萬嗰陣，都有諗過用借貸方式解決，言下之意未有隱瞞老竇嘅錢唔過佢手嘅事實。
from:http://hk.apple.nextmedia ... 151230/19431676

周子揚表明已沒有與何傲兒一家人聯絡。

周子揚昨日在尖沙嘴出席一店舖開幕活動，早前曾經大爆被女友何傲兒（Lily）家姐何傲芝（Gigi）苛索每月20萬元生活費，結果令對方發聲明表示保留追究權利，問到周子揚有否收到律師信？他說：「未收到，我覺得大家之前咁友好嘅關係，應該唔會有呢啲情況發生，大家有乜嘢問題咪傾番。」再問有否與何家聯絡？他說：「冇呀，不過我識嘅Lily同Gigi都係好好嘅，所以唔擔心，我覺得件事已經圓滿結束，呢件事隔咗咁耐，𠵱家諗番當時可能激動咗少少，我冇嘢喇，專心做嘢，就算將來同場都冇問題。」

採訪、攝影：曹家誠
from:http://hk.apple.nextmedia ... 160109/19444578