今天38歲生日的徐智勇（小肥），被網友質疑是基民一族贈興，事關小肥入行7年絕少緋聞，又曾透露好在媽咪沒過問他拍拖的事，其微博更關注多位來自內地的大隻男，他們除用泳褲相做大頭照吸睛外，更上載半裸和激凸相，基味甚濃，小肥無端端關注素不相識的大隻男，難怪惹來斷背傳聞。
究意小肥是否基民？圈內眾說紛紜，有指澳門同志圈兩年前已流傳小肥是基佬，但近年身邊卻沒有伴侶，不過，亦有小肥的好友爆料，指小肥平日很鍾意𥄫女，又常跟歌手好友交流媾女心得，網友就呼籲小肥如果真是斷背，應該勇敢出櫃。
小肥在微博關注三唔識七的裸男和激凸男，難怪惹來基民傳言。微博圖片
「好多呢啲朋友」
前日本報記者致電小肥求證，最近忙於籌備8月演唱會的他大笑否認：「唔係啦，不過身邊好多呢啲朋友。」小肥坦言已3年多沒拍拖：「我從來都係隨緣，唔會夾硬，做呢行好衰，如果對方唔慣時間咁唔穩定，好易收皮，自己建議大家都係呢行最好，互相會明白。」
小肥還自嘲自閉，只拍過兩次拖，問他有冇試過跟男仔談戀愛？他即大反應否認：「嘩！冇呀，我唔係基，不過唔歧視同性戀。」為甚麼微博關注大隻男？他說：「因為我吸引嘛，人哋關注我，我咪關注人，可能我有市啩，哈哈！梗係唔介意關注，喺呢個市場受歡迎都唔錯，佢哋支持我好似高人一等，因為佢哋好揀擇，如果我受佢哋歡迎，梗係受寵若驚。」
from:
http://hk.apple.nextmedia ... 140613/18756365
