薛凱琪（阿Fi）今年9月會喺紅館開騷，呢次阿Fi用油漆淋頭，做咗個好似帽嘅造型影咗張海報，同佢嗰張《August Girl》相片封套嘅黑獅女造型相比，明顯係醒神兼順眼。但係噚日有網民話阿Fi呢個造型同全美超模第十季嘅Model宣傳相好似，有抄襲之嫌。
全美超模節目Model相。互聯網圖片
噚日馮仁昭同阿Fi傾開偈，梗係問番佢呢件事，佢話：「其實用啲油、cream同朱古力呢啲液體，留喺身體同頭頂上面，都見過好多次，如果一個人screencut呢啲類似嘅圖出嚟，我唔會覺得意外或者係抄襲，對我嚟講，咪好似影婚紗裙，個個女仔結婚嗰陣都會著婚紗，好多嘢都係大同小異，睇你點去用。只不過我喺嗰晚會有好多colourful嘅嘢畀大家睇到，所以咪有呢個idea。」
薛凱琪話感情要專一，創作可以貪心啲，試多啲唔同嘅嘢。微博圖片
唔只做靚女嘢
阿Fi話佢唔會因為咁樣而唔開心：「開演唱會係一件開心嘅事，有人留意，又可以畀人討論到，都OK呀，感情要專一，創作我係最貪心，乜嘢都想試，唔想淨係做啲靚女嘢，我想做啲嘢刺激到人哋個感官，令人有討論都係刺激感官嘅一樣嘢，所以我會繼續做我自己想做嘅嘢。」
from:
http://hk.apple.nextmedia ... 140602/18740906
