不少女士也喜愛鑽飾，名模周汶錡認為鑽石是浪漫的禮物，她自爆最浪漫是老公Julien送的求婚戒指，她冧爆的說：「幾多卡就唔想講，其實戒指唔使日日收，最緊要有意義。」
一身古銅色又性感的周汶錡，擔任模特兒嘉賓行騷，大為搶鏡。
名模周汶錡（Kathy）與藝人文詠珊（Janice Man）昨日均以低胸裝出席周大福舉行的Magic Square八‧玲瓏Forevermark系列鑽飾發布會，Kathy佩戴超過60卡鑽飾擔任模特兒嘉賓壓軸行騷，高貴又性感。
幾多卡要保密
在台上Kathy表示鑽石代表浪漫和永恒，到受訪時，問她收哪一枚鑽戒最浪漫？Kathy冧爆的說：「梗係老公Julien送嘅求婚戒指啦，收到嘅時候我冇喊，但係好開心囉。（有幾多卡？）要講出嚟o架咩？（係咪最大粒？）唔使，慢慢加大。」問到收過Julien多少枚戒指？Kathy說：「幾隻，唔使日日送嘅，有時特別日子送會更有意義。依家都有好多女士會自己送畀自己。」
周汶錡直認老公Julien送的求婚戒指最為浪漫。
周汶錡（右四）、文詠珊（左三）與一眾高層齊齊祝酒，左四為周大福珠寶集團執行董事孫志強。
讚世界盃精彩
現場看到Kathy曬得一身古銅膚色，谷胸上陣的她十分健康性感，問她是否曾外遊？她說：「冇呀。（咁黑嘅？）白番喇！」世界盃正進行得如火如荼，Kathy亦有欣賞賽事，不過其夫原來喜歡籃球比足球多，但她仍大讚世界盃賽事精彩：「好難得有一種運動大家都咁專注睇，始終盛事要參與吓。（睇到唔陪老公？）佢都唔喺香港。」
from:
http://orientaldaily.on.c ... /00282_060.html
