第35屆香港電影金像獎頒獎禮昨晚舉行，三大影后熱門候選人林嘉欣、春夏及楊千嬅，先在紅地毯儀式上爭艷鬥麗攞頭彩。但論養眼及性感程度，反而是入圍最佳女配角、模Art出身的文詠珊（Janice Man）及已榮升模媽的周汶錡（Kathy）最叫人譁然，真空的JM艷鬥露股的Kathy，而被喻為最靚的變性美女Poyd，就以離罩晚裝搶鏡。
年度影壇盛事第35屆香港電影金像獎，昨晚在尖沙嘴文化中心舉行頒獎禮。下午5時半紅地毯儀式開始，最先登場的是擔任紅地毯最佳衣著評審的模媽周汶錡，她一襲Stello薄紗真空透視大露背晚裝，美臀若隱若現，全場矚目。她接受訪問時笑言都擔心走光：「都驚㗎，自己冇乜時間準備，呢兩日拎到條裙就咁著上去，冇乜點睇，重點遮到就OK。」她表示評審的準則首要是有自信。
下身打唔到底
稍後登場的女配角候選人文詠珊的性感程度不遑多讓，她自言下身真空上陣，是最性感一次：「上身黐咗膠紙，下身打唔到底，今次係最大膽，想畀個surprise，都有涼浸浸感覺，完咗紅地毯會換另一套衫出場。」之後最佳女主角候選人楊千嬅以七吋高踭鞋與丈夫到場，千嬅說：「為咗著呢條裙減咗肥三星期，冇帶個仔嚟，因為自己已經好緊張，驚囝囝喺人裙底走嚟走去，你睇佢父母就知佢幾活躍。」
Stello
身為紅地毯衣著評審的周汶錡，透視露股裝是最佳示範。
張學友跟林嘉欣一同到場，學友笑言太太羅美薇及囡囡叮囑不要太緊張，他說：「同其他影帝候選人夾過一齊著黑衫，我帶咗個蘋果嚟，驚一陣肚餓。」學友被封為大熱，他笑言大熱倒灶經常發生在自己身上。身穿白色Dior高訂的林嘉欣，則表示著白色是想延續提名電影《暗色天堂》的情懷，被指衣著太密實時，她笑說：「因為導演（嘉欣丈夫袁劍偉）喺度，佢見到我呢身打扮都好放心。」
Ashi Studio
被喻為最靚變性美女Poyd，以公主裝亮相。
Atelier Versace
劉嘉玲笑言行紅地毯是「係鬥靚，唔係鬥性感。」
Burberry
薛凱琪一向密實，昨晚忽然一露令人眼前一亮之餘亦有驚喜。
Poyd離罩驚喜
泰國變性美女Poyd以白色公主形晚裝現身，離罩低胸裝助她突圍而出，現場最驚喜的是薛凱琪的忽然一露，被網民笑問「發生乜事」。
採訪：張俊銘、曹家誠、盧妹
攝影：陳順禎、仇志德、沈健程、陳慧安
蘇麗珊跟男友遊學修齊齊踏上金像獎紅地毯。
張晉再次問鼎男配角獎，太太蔡少芬到場支持。
楊千嬅裙底下的高跟鞋高七吋，全程要丈夫丁子高扶著。
（左起）郭富城與金燕玲、翁子光、邵美琪和杜可風在紅毯上一起互勉。
from:
http://hk.apple.nextmedia.com/entertainment/art/20160404/19556546
