林嘉欣曾與李心潔合作拍過羅志良執導的《救命》而成為好友，嘉欣昨晚現身尖沙嘴Etro時裝店開幕活動，坦言主動與心潔有聯絡，她表示：「好朋友唔講好朋友嘅感情，惟獨有乜嘢事會喺度錫佢，佢話𠵱家處理緊，面對緊。」問到心潔心情，嘉欣說：「唔知，如果佢想傾，乜都好。」
日前有大馬網友目擊心潔看胃科，問嘉欣知否心潔身體狀況，她說：「唔清楚，做朋友支持佢，畀空間清靜嚇。」再問到心潔言談有否提離婚，嘉欣都表示不知情：「問番佢，朋友係愛佢同錫佢。」對於好友遭遇，會否感到心痛：「冇冇冇，唔評論，係佢個人嘅事。」提到嘉欣夫婿亦是導演，會否擔心外間有引誘，她表示：「唔關做呢行，係人都有引誘，其實夫妻維繫不易，無論拍拖同結婚。」
心潔曾在微博貼出與林嘉欣女兒玩的相片。
莫文蔚嘆可惜
此外，莫文蔚（Karen）昨在尖沙嘴受訪時，說：「前兩日返嚟都聽到，但係同佢哋唔熟，唔會過問。」Karen多年前曾與心潔同公司，她說：「係有同公司，但冇合作，好可惜。」提到心潔被拍到於大馬睇醫生，會否擔心對方？Karen說：「情緒上嘅波動同唔開心係最辛苦，仲辛苦過我哋有乜嘢病痛，希望佢自己好好照顧自己。」
採訪：林嘉慈、溫敏芝
from:
http://hk.apple.nextmedia ... 140531/18738912
