林嘉欣側門大開露半球，為即將登陸香港嘅「LED玫瑰燈海園」宣傳。
林嘉欣、梁家輝、張智霖、袁詠儀、楊千嬅、丁子高、吳業坤、蘇麗珊同游學修等，為咗宣傳源自首爾嘅「LED玫瑰燈海園」將會喺中環海濱公園點亮，成為世界巡迴首站，齊齊幫主辦單位影咗輯好靚好sweet嘅相，配合拍攝主題就係「Light Your Love讓愛發光」，每張相都會有一位手執白玫瑰燈，代表純潔嘅愛。
張智霖夫婦同楊千嬅兩公婆分別鼻貼鼻影相，而新一代女神蘇麗珊雙手攬住男友再輪流互錫，隔住芒都覺得甜。不過最吸睛嘅一定係林嘉欣，事關喺相入面閉目開懷笑住影相嘅嘉欣，着咗件超級Deep V嘅衫影相，真係好索！
坤哥同媽咪感情好好，佢話要多謝媽咪辛苦照顧佢同妹妹。
蘇麗珊、游學修公開戀情後毫不避忌喺鏡頭前晒甜蜜。
坤哥變小男孩
另外，啱啱喺樂壇頒獎禮橫掃新人獎嘅吳業坤，今次同最愛嘅媽咪一齊影相，坤哥企喺媽咪身邊仲即刻變咗個小男孩，依偎住媽咪身邊，單親家庭長大嘅坤哥話：「媽媽一個人無條件咁湊大我同妹妹，佢永遠係我最大嘅後盾。」
撰文：馮仁昭
馮仁昭
from:
http://hk.apple.nextmedia ... 160122/19461683
