林嘉欣、五月天成員石頭及導演林書宇，前晚出席在尖沙嘴The One舉行電影《百日告別》首映，由於昨日是《百》片在香港亞洲電影節首映，開賣第一日在一小時內，戲票已售罄。嘉欣憑此片獲今年度金馬獎影后提名，問她對得獎信心有多大？她說：「演員係現在式，頒獎禮係錦上添花，得失心唔會太大，反而最緊張係行紅地毯，因為女明星好多嘢搞，又驚走光，又驚啲衫唔靚。」
近日圈中喜事甚多，唔少女星懷孕及生B，問嘉欣會否再生BB？佢話：「我封咗肚，封咗年幾，因為覺得2字（兩名小孩）係一個好好數字，同埋有咗小朋友後，發現自己好鍾意拍戲。」
此外，嘉欣昨日在奧海城出席麥當勞繪本義賣活動，四本畫冊靈感來自嘉欣，由8歲小女孩插畫師劉凝映操刀，嘉欣昨日還即場講故事給小朋友聽。
採訪、攝影：卓寶花、盧妹
from:
http://hk.apple.nextmedia ... 151102/19356363
