周柏豪被寸自抬身價

1^# 大中小 young 發表於 2014-5-26 09:47 發短消息

相關主題: 周柏豪

周柏豪成為「大文豪」之後，深得網民關注，前晚周柏豪喺facebook公佈今年9月25日會開紅館處男個唱，網民細閱後，發覺周柏豪處男個唱貴飛賣$680，質疑他自抬身價，跟張智霖看齊，勁過薛凱琪，還有網民擔心柏豪不夠歌做紅館騷，建議大文豪在個唱加插一個「潮文朗誦環節」。周柏豪得悉網民的一番好意和關注，他在微博公開道謝說：「感謝創意支持和關注。」

周柏豪在網上公告處男紅館騷，惹來網民狙擊。

微博圖片
前晚周栢豪和洪卓立在尖沙嘴出席一個韓國品牌開幕活動，他直認韓風好強，有不少香港fans都變了韓星fans，他透露早前跟韓國組合EXO-M參與CCTV節目的比賽，栢豪說：「EXO-M嘅表演好勁好好睇，眼神仲好有自信㖭！」不過，栢豪認為自己不輸蝕，結果得第二。
from:http://hk.apple.nextmedia ... 140525/18731530

廷伸閱讀/相關主題推介:

相關主題:周柏豪

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-5-26 09:52 發短消息

周柏豪愛港女唔跟韓流

歌手周柏豪與洪卓立前晚出席I.T旗下品牌STYLENANDA新店開幕活動，柏豪大讚近期韓風非常犀利：「我自己都有聽啲歌，上次同EXO-M上CCTV節目，佢哋喺後台嘅眼神已經好銳利，嗰次比賽攞第二已經好開心。」至於會否模仿韓星作風，他說：「全世界都係同一個風，MV好靚好悅目，但潮流好快兜圈，希望又返番嚟香港，我鍾意香港女仔o架！」

洪卓立、周柏豪

洪卓立為現場的模特兒搽口紅，問他有否為女友湯怡化妝？他表示女友曾學化妝，他反而為女友擔任模特兒：「佢幫我化當練習，我個人好懶，公司有budget就會化妝，冇就唔化，我覺得男仔唔使咁姿整。」他指女友近期改為整蛋糕，非常好吃，他說有想過開間舖給女友，直言女友娶得過，值95分。
from:http://orientaldaily.on.c ... /00282_071.html

TOP

3^# 大中小 young 發表於 2014-6-3 12:02 發短消息

柏豪谷紅館騷撼網友

周柏豪9月紅館騷開始優先訂飛，他希望可以加場。

周柏豪將於9月假紅館舉行處男騷「Colors of Life Concert2014」，昨日開始優先訂飛，雖然被網友寸貴飛$680太揦脷，但柏豪依然孭下一身飛債，他說：「因為演唱會暫定一場，好多朋友都話訂飛支持，搞到自己第一次有孭重飛嘅壓力，希望反應好可以加場。」

首次開紅館騷的柏豪坦言壓力大，希望可以做到滿分，他說：「之前網友對演唱會有好多討論，對我嚟講係一種推動力。」對於網友藉他的玻璃杯潮文，二次創作了玻璃杯海報，柏豪笑說：「自己都要諗吓有乜特別嘢，唔可以輸畀網友。」
from:http://hk.apple.nextmedia ... 140603/18742099

TOP

4^# 大中小 young 發表於 2014-6-3 12:05 發短消息

周柏豪升呢闖紅館

陳柏宇與泳兒榮升「內地吧王吧后」，據知周柏豪與連詩雅（Shiga）一樣有價有市，三年來均以超過10萬人民幣的歌酬唱三首歌，記者昨日致電兩人的經理人，他承認：「一直有人搵佢哋，柏豪唱過一次，Shiga就兩次，但基於安全問題，依家我哋拒絕咗，因為實在太夜、太辛苦，而且驚有醉漢，會危險。」提到據知柏豪在內地搞簽唱會酬勞有10萬人民幣一場，經理人就坦言：「理想啦！」

周柏豪早前為紅館個唱影海報，拍攝後更與工作人看效果。

而柏豪的首個紅館演唱會《Colors of Life Concert 2014》將於9月舉行，今日是優先訂票的大日子，對此，心情緊張的柏豪笑言：「好多人搵我訂飛，第一次有『孭重飛』嘅壓力，希望可以加場啦！」

from:http://orientaldaily.on.c ... /00282_002.html

TOP

5^# 大中小 young 發表於 2014-6-5 12:27 發短消息

柏豪加場還飛債

入行6年的周柏豪終獻出處男第一次，將於9月25日初踏紅館舞台，舉行《Colors of Life Concert 2014》。昨日才開始優先訂飛，個半小時內即火速爆滿，加上內部認購相當踴躍，令公司當下決定再加開26號一場，並在昨午隨即再度接受優先訂票。

周柏豪將於９月25日獻出處男第一次，踏上紅館舞台開個唱。

受寵若驚
柏豪笑言孭住勁重「飛債」，就算加開一場都不夠清還，可惜未能一加再加：「簡直受寵若驚，唔知係咪前世做咗咩好事，今世有咁多朋友同歌迷支持！不過都好大壓力，知道好多親友同歌迷都要訂飛，原本我仲想幫大家優先訂飛，點知淨係媽咪都訂咗150張，我都唔知點算。好彩公司決定加場幫手，可惜場館之後已經畀人預訂咗，未必有機會再加場。」

操弗Body
為了報答歌迷的熱烈支持，是否應該騷少少肌肉讓fans大飽眼福？柏豪坦言一定會操弗Body：「一定會操定先，咁樣身心都穩陣啲，操到自己都滿意嘅身形，上台會更有信心，歌都會唱得更好。」

柏豪自言會努力操弗Body唱好歌。

柏豪笑言孭勁重「飛債」還唔晒。
from:http://orientaldaily.on.c ... /00282_055.html

TOP

6^# 大中小 young 發表於 2014-6-5 12:36 發短消息

柏豪踩紅館壓力大

周柏豪日前拍MV，談到9月紅館騷感覺超興奮。

周柏豪日前為新歌《現在已夜深》拍MV，這首歌請到樂隊Dear Jane成員Howie作曲及填詞，柏豪開心說：「Howie作曲嘅《不許你注定一人》同《無可避免》都好受歡迎，自己收到呢首歌嘅demo，一聽已經覺得好正。」因歌詞講男人在夜深時的落寞，故MV只有柏豪獨對鏡頭，沒有女主角做陪襯。

柏豪將於9月首踏紅館舉行處男騷，優先訂票短短一小時已火速售罄，加開一場後又被秒殺，柏豪坦言壓力超大：「自己好重視紅館舞台，希望做到叫好叫座，𠵱家叫座方面應該冇問題，點做到叫好就好大壓力，希望歌迷會覺得好睇同物超所值。」
from:http://hk.apple.nextmedia ... 140605/18745093

TOP

7^# 大中小 young 發表於 2014-6-5 13:16 發短消息

周柏豪孤獨的冷

周柏豪為配合９月舉行的紅館騷，將於８月推出新專輯。近日積極操肌的他亦忙於錄新歌，早前邀得組合Dear Jane成員Howie為新歌《現在已夜深》作曲及填詞。由於內容講述男人於夜深時的孤單感覺，故只得柏豪做獨腳戲。他說：「為咗襯托呢種孤寂嘅感覺，所以MV只有自己，冇其他任何角色。」

柏豪坦言開紅館騷很大壓力。

提到柏豪演唱會加場的優先門票再度火速售罄，他承認壓力很大：「非常重視紅館舞台，畀兩個最簡單清晰目標，就係叫座又叫好，希望每個睇完嘅歌迷都會覺得好睇、想再睇，係物超所值。」
from:http://orientaldaily.on.c ... /00282_053.html

TOP