董敏莉（Monie）、陳炳銓（Danny）、陳意嵐（小鬼）早前為舞台劇《玩死卓別靈2》綵排，在劇中突變女軍閥的Monie表示甚難演繹，她還特地請教朋友俄文：「本來佢哋想我亂咁講一堆聽唔明嘅語言，不過我想講出嚟內容係有意思嘅，咁啱我朋友喺俄羅斯當過兵，所以佢將十幾年前嗰啲軍人指令搬曬出嚟畀我。」在劇中要穿婚紗的她坦言對結婚沒有太大幻想：「兩個人一齊好就好，就算結咗婚都可以唔好，如果遇到一個人可以令自己轉變，我都會考慮結婚。」
董敏莉（右起）、陳炳銓及陳意嵐對結婚各持不同想法。
不過同為單親家庭長大的Danny及小鬼就持不同想法，Danny說：「以前唔諗結婚，不過近年想要個家庭，想穩定啲，有小朋友，如果養到最好生3個。」而小鬼則恨有家庭溫暖：「因為我自細就冇完整家庭，所以成日都恨屋企好似《真情》咁，成家廿幾人坐埋食飯。」
from:
http://orientaldaily.on.c ... /00282_041.html
