亞視早前嘅節目《ATV焦點》抹黑學民思潮，搞到好多網民發起罷睇亞視。董敏莉（Monie）上個月被問到怕唔怕有份做主持嘅外判節目《娛樂CIA》收視下滑，一向直腸直肚嘅Monie就話：「直頭冇收視！」須知道佢講真話，但就辣㷫亞視，慘被封殺。咁啱上星期媽咪姐喺置地撞到Monie同個女性朋友high tea，就見佢愁眉苦臉咁同個朋友吹足幾粒鐘，啲嘢食晒都唔捨得埋單。
知名度已經唔係高，仲要俾亞視封殺，董敏莉唔愁就假。呢日佢約個friend狂呻，愈講愈激動。兩個人叫咗個high tea一齊食，坐足三粒鐘連牙都撩埋都唔埋單，仲唔係磨爛蓆？
周二（23日）俾亞視封殺嘅Monie（左）走咗去now做「娛樂審死官」嘉賓，同陳彥行（右）一齊爆料，天無絕人之路嘅！
