Lily笑起嚟有九成似「高登女神」翠如BB，但有時又似「B餐琪」，總之係女神混合版。
媽咪姐
周柏豪揀台版「翠如BB」咀嘴周柏豪最近為新歌〈傳聞〉拍MV，由於又要攬又要咀，大文豪親自揀女主角，最後揀中台灣女模Lily。MV入面同Lily又攬又錫大飽艷福，最後嗰場Lily仲要tube top短褲同大文豪埋身打交。
Lily又靚又嗲，工作人員同大文豪都不停同佢合照留念，拍咀戲時他揞住心口，媽咪姐問佢係咪心跳？佢話：「胃痛呀！」Lily立即溫柔地幫佢捽心口。
嘩！咁大引誘，睇嚟柏豪圈外女友Stephanie朱要𥄫實啲先得啦。
周柏豪咀得投入，睇嚟佢揀MV女主角首要係要啱「嘴形」。
拍攝期間，大文豪一句「胃痛」，Lily即刻出手。唔怪得歌仔都有唱：「台灣女仔溫柔柔」啦！
