莫文蔚、陳嘉桓（Rose）昨日現身君悅的la prairie活動，同場還有兩年前曾在橫店合作拍戲，消夜時涉嫌對Rose無禮的馬德鐘，亦有帶同太太張筱蘭現身。
Rose正在接受訪問期間，大會工作人員原計劃安排傳媒訪問馬德鐘，不過馬德鐘夫婦到達時，負責活動的丁子高即上前耳語，悄悄帶領他們直接入會場，最後未有接受訪問，之後大會發放他們與莫文蔚合照。
丁子高代解畫
問到Rose是否知道馬德鐘亦是座上客？她帶點尷尬表示：「唔清楚，大家都係做呢行，會遇到突發情況。」再問她與馬太碰面會否想起不快事？陳嘉桓表示：「冇諗其他嘢，專注自己做，過咗去冇諗，發生不快事，自己有反省過，繼續點做，都唔會做冇必要嘅嘢。」再問她會否與馬德鐘打招呼？她表示：「未發生嘅事唔知道。」
其實三人的名字一早已在活動通告內，丁子高代馬德鐘未有接受訪問及拍照解釋：「佢唔做訪問，唔係知有尷尬事，唔係避乜嘢，係因為馬生、馬太係客戶朋友，嚟捧場冇酬勞，如果影咗相做訪問係公開活動，佢公司冇收錢，費事。」
馬德鐘與太太張筱蘭在場外與陳嘉桓同場不相見，在場內卻與丁子高（中）喜相逢。
陳嘉桓稱橫店事件後，未有與馬德鐘聯絡。
莫文蔚對於全城關注的B女事件感到惋惜，她本身已決定不會生及收養BB。
from:
http://hk.apple.nextmedia ... 131204/18535392
