【新老闆】
新店是六兄弟姊妹夾份投資，用作紀念已過身的父親。
【尖沙嘴】不少藝人喜歡投資飲食生意，「馬神」馬德鐘也不例外，前晚他現身尖沙嘴柯士甸路一間正在裝修的商舖睇進度，明顯是準備開食肆大展拳腳。前晚8時許記者見馬神所在的店舖封了帆布，餐廳名亦用紅紙遮上，馬神又跟裝修師傅言談甚歡，身旁還有一位跟馬神樣貌相似的男子，估計是馬神親人，不過，當馬神發現記者時，立即着師傅把門關上。
【多意見】
馬德鐘即將做老闆心情輕鬆，與裝修師傅言談甚歡。
【睇進度】
馬德鐘肉緊裝修進度，親身巡舖。
馬德鐘為新舖落手落腳畫裝飾品。微博圖片
六兄妹夾錢
現場所見，門外酒牌登記人寫着「馬德波」，而馬神開設的餐廳為日本餐廳。裝修師傅在餐廳進行裝修工程，而馬神則不時走來走去忙個不停，大約10分鐘後，馬神的七人車駛至，他便上車離開。記者問他開餐廳投資多少時，他只笑笑說：「唔講住，遲啲講。」
記者昨日再致電馬神，對於開餐廳一事，他說：「其實係我同屋企人開，以前係我太太嗰邊同屋企人夾份做生意，𠵱家係我同兄弟姊妹搞，我爸爸舊年過咗身，呢間餐廳係我哋幾兄弟姊妹一齊搞，開嚟紀念我哋爸爸，餐廳個名用咗我爸爸個名中間個『松』字。」馬德鐘透露家中共六兄弟姊妹，酒牌登記人馬德波是其兄長，馬神說：「我自己都有落手落腳睇吓啲裝修，本來我真係唔諗住公開住，等遲啲再通知大家，點知俾你哋撞到！其他嘢我唔講㗎，遲啲再話畀大家知啦！唔該晒！」
採訪、攝影：朱志聰、黃曉程
from:
http://hk.apple.nextmedia ... 160420/19577841
