馬德鐘開舖紀念亡父學握壽司獎自己食

1^# 大中小 young 發表於 2016-7-1 06:00 發短消息

馬德鐘（馬神）平日不用開工的時間，他最愛做「住家男」，親自入廚為妻兒炮製西餐美食，一家人共享天倫樂。馬神近日與兄長及姊姊合資共7位數字，在尖沙嘴開設日本高級餐廳，馬神指餐廳名字叫「松」也是為紀念亡父。馬神昨日往巡舖一時技癢，大廚出馬，即場示範整壽司。

整壽司似模似樣

馬神在餐廳不忘打點一切，還跟師傅學整壽司，手握壽司雖然有難度，但馬神都未有被考起，他細心跟著師傅的每個步驟，結果做出來的壽司都似模似樣。成功整完人生第一碟壽司，馬神當然要細味品嚐，還食得非常滋味。

馬德鐘（左）跟師傅的步驟學整壽司，製成品亦似模似樣。

馬德鐘昨日巡舖不忘打點一下櫃內的美酒。

新店面積約1,800呎，馬神表示裝修設計上花了不少心思，招牌更是由他親自題字，然後拿去製作。逆巿開高級日本餐廳，馬神並不擔心生意，他預計花一段時間守業，希望守業期越短越好，馬神充滿信心：「經濟差，大家買少啲袋同衫，做嘢咁辛苦，最好係食番餐好獎勵自己。」

之前舖頭裝修，馬德鐘落手落腳整理。資料圖片
望生意開枝散葉

馬神早年創業開了一間傢俬店，現在生意已上軌道，他形容新餐廳是自己新生BB：「當然要呵護多啲，我有時間會親自落舖招呼客人，我成日喺度㗎，大家記住嚟撞嚇我。」馬神指今年內暫不考慮開分店，希望把心機都投入新店中，打好基礎明年就在港島區開分店，他笑言要努力「開枝散葉」。

採訪：陳傑
攝影：陳俊強
from:http://hk.apple.nextmedia ... 160627/19670965

廷伸閱讀/相關主題推介:

相關主題:馬德鐘壽司

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-9-4 15:39 發短消息

馬德鐘一家玩滑翔傘

馬德鐘很享受空中玩滑翔傘，他大呼好爽。

馬德鐘（馬神）近日與妻兒到了馬來西亞度假，馬神早年在沙巴的亞庇Kota Kinabalu買下度假屋。馬太張筱蘭前晚在facebook貼了一家人於當地玩滑翔傘情況，驚險又刺激，馬太留言：「非常刺激充實的假期，一家人上山滑翔，我和囝囝馬在驤就第一次嘗試滑翔傘，由2,700呎高空滑下。」

馬德鐘趁暑假尾聲，帶着妻兒到沙巴度假。

馬神昨日在電話回應：「我以前在新西蘭拍旅遊特輯時玩過，對呢項運動有一定認識，安全措施做得好好。」問到馬神凌空一刻可有腳軟？他說：「踏出去嗰步有啲緊張，但坐定咗好享受飛嘅感覺，呢次飛咗半小時，一定要風向配合得好。噚日黃昏出發，追住睇日落，感覺好舒服。」

採訪：陳杰
from:http://hk.apple.nextmedia ... 160825/19748490

TOP

3^# 大中小 young 發表於 2016-10-23 16:46 發短消息

孖老婆日本箱根度假馬德鐘晒三角泳褲弗爆

Model出身嘅馬神馬德鐘，雖然已經48歲，不過都仲keep得好好，睇落比實際年齡後生，而佢同老婆張筱蘭去咗日本箱根，馬太昨日就孖老公拍拖去游水做運動，馬太仲自拍影相喺facebook分享放閃，馬神着三角泳褲出鏡仲現晒形，佢仲半裸上身睇落真係好fit咁噃。馬太留言：「目標完成7公里+1000米，這游泳池水底有音樂會令人游得快好多。」其實今次佢哋去日本唔係只係玩，馬神開咗日本餐廳，佢對食肆要求好高，據知佢哋呢次就喺去當地考察，因利乘便玩吓，馬太昨日回覆《蘋果》：「佢（馬德鐘）做日本料理，所以去看多點，做多點，想多點。」
from:http://hk.apple.nextmedia ... 160929/19784855

TOP

4^# 大中小 young 發表於 2016-10-23 22:06 發短消息

馬神離無綫更搶手

「馬神」馬德鐘（右）自離開無綫後，喺內地非常搶手，一劇接一劇，最近佢同周海媚、SNH48成員鞠婧禕幫樂視拍科幻電視劇《軒轅劍之漢之雲》，馬神話遇到好劇本，一定會回流，絕對唔會放棄香港巿場。

但最近馬神又做老闆進軍飲食界：「冇衝突，兩者可以並存，最重要請到好嘅人幫手打理，當我拍完一套劇，會有一個緩衝期休息，呢段時間用嚟打理生意。」

撰文：馮仁昭
from:http://hk.apple.nextmedia ... 161014/19799953

TOP

5^# 大中小 young 發表於 2016-12-10 18:02 發短消息

馬德鐘澳洲影展奪獎

馬德鐘（馬神）前晚獲邀到澳洲悉尼參加「第八屆澳洲國際華語電影節」，佢憑電影《越囧》取得「國際華語電影節組委會推薦男演員」獎項，馬太張筱蘭陪伴出席。

馬太前晚貼相去facebook後留言為老公而驕傲，大晒恩愛。馬神噚日話：「呢套電影係喜劇，好多時喜劇大家唔會太留意演員演技，但我用咗好多時間研究角色，開心有人欣賞，得到認同。」

撰文：馮仁昭
from:http://hk.apple.nextmedia ... 161121/19840295

TOP

6^# 大中小 young 發表於 2017-1-1 20:35 發短消息

馬德鐘期待拉頭馬

馬德鐘（馬神）同馬特別有緣，近日同朋友夾份買咗匹嚟自新西蘭嘅馬仔，大約3歲多，馬仔仲未改名，嚟咗香港約4到6星期，適應完就可以出賽。

馬神前日同老婆張筱蘭去咗探訪，馬神帶咗紅蘿蔔畀馬仔食當係見面禮，但可惜唔記得切開，結果冇得餵，馬神噚日話：「結果只可以餵佢食草，佢都食得好開心。」馬神期待愛駒出賽為佢帶嚟拉頭馬嘅機會。

撰文：馮仁昭
from:http://hk.apple.nextmedia ... 161215/19865439

TOP

7^# 大中小 young 發表於 2017-5-29 18:34 發短消息

馬德鐘滿意愛駒第二

馬德鐘噚日同老婆張筱蘭着情侶裝現身沙田馬場，佢同陳玉蓮等合夥嘅團體馬「快樂實在」，噚日跑第六場四班1,400米賽事，結果跑第二有184,800元獎金，累積四戰得兩亞一殿。馬德鐘話同老婆冇夾過，係各自揀衫。對於今次賽果，佢話：「滿意嘅！滿意嘅！不過個排位唔係幾好，所以影響咗成績，我覺得今次係有機會，希望下次會跑到出嚟。」

撰文：馮仁昭
from:http://hk.apple.nextmedia ... 170529/20036786

TOP