陳嘉桓稱今年會去攝太歲，更想作多方面發展。
攝影：沈健程
生肖屬猴、現年24歲的陳嘉桓，日前在尖沙嘴接受本報專訪，穿上金色短裙的她大騷「事業線」，當她拿着迷你版獅頭更不自覺舞動起來。由於今年犯太歲，嘉桓表示會去攝太歲，祈求事業順利。其所屬的公司今年將開設網上頻道，推出電影、網劇、綜藝節目等，她坦言想嘗試做主持，向多方面發展，更透露早前與朋友合作網購生意。
早前有傳因只顧拍拖而被公司雪藏的陳嘉桓，明言師傅不反對拍拖，但自己會低調處理。
陳嘉桓指自己習慣由初一起拜年，拜足7日。
拍拖會低調
早前有指嘉桓掛住拍拖而被公司雪藏﹖她否認此事，她說：「唔急拍拖，我仲細，雖然我有講過好生想BB，係因為屋企多咗小朋友，令到自己母愛超級氾濫。」師傅冼國林不准她拍拖﹖她說：「師傅冇話唔畀，佢話拍拖可以豐富吓人生，對拍戲都有用，但我又覺得唔急，如果有日我拍拖，都會低調，亦可能唔揀圈中人，我擔心自己應付唔到，以往自己都發生過唔同事情，知道輿論會令自己有壓力。」
陳嘉桓的細細佬趣致活潑，她坦言常常記掛對方。
心繫細細佬
談及新年習俗，嘉桓指農曆年前會行花市、辦年貨，大年初一至年初七都會拜年，她笑說：「自己仲可以𢭃利是，過正月先拆，以前會幫大細佬拆利是，今年多咗個細細佬，出去拜年機會再多啲，屋企多咗個小朋友係好開心。大家都講笑，唔知以為係我（生嘅），佢好得意，由佢幾日大就開始抱住佢，我唔使開工就幫媽咪湊仔，所以我識幫手餵奶、換片、陪佢玩，𠵱家我去第二度做嘢，都要不停同佢視像，會好掛心。」
採訪：黃曉妍
場地：Harlan's（The ONE）
from:
http://hk.apple.nextmedia ... 160213/19488987
