剛蟬聯高登女神的謝安琪（Kay），獲邀成為本周《亂噏24》嘉賓，黎智英（肥佬黎）把握機會問她的戀愛觀，令女神有點錯愕！節目今日起至周五每日播出兩集，讀者可於《蘋果動新聞》網頁觀看，亦可登入
http://bit.ly/appletalk24重溫，足本版於周四晚11時播出。
Kay認為戀愛給她動力，對創作靈感、說話語氣及心情都有影響：「我𠵱家都覺得自己喺戀愛當中。」至於當初肯嫁給張繼聰，原來是欣賞對方的樂天性格：「佢個人乜嘢都可以好開心，我估計70歲瞓醒覺，望到隔籬呢個人，都仲係覺得好好笑。」肥佬黎聲稱不懂追女，亦不會用甜言蜜語哄女仔：「我要呃先追到女仔，咁追嚟做乜箒？」Kay不自覺甜笑，相信是想起老公當初也是用呃用𠱁才將她弄到手。
（左起）倪匡、肥佬黎、謝安琪及蔡瀾暢談戀愛觀。
Kay對着鏡頭發功，高登巴打接招喇！
倪匡：女人好蠢
肥佬黎又提到汪峰早前開演唱會，當着八萬人面前高呼要章子怡成為全世界最幸福的女人，笑說他一定未給過女人幸福：「如果佢試過，就知道令女人幸福係幾難呀，仲要全世界，唔通你係現代莎士比亞咩！」Kay卻認為聽到這樣激昂的表白，女人會深受感動。肥佬黎卻大潑冷水：「咁激烈嘅愛，好快爆煲㗎！你日日去gym舉重八個鐘頭吖，張家輝你都死呀！」倪匡的結論是：「女人真係好蠢！」
from:
http://hk.apple.nextmedia ... 131125/18522376
