謝安琪11月狙擊風波未完取消10場內地巡唱內疚痛哭

謝安琪（Kay）昨日在尖沙嘴為4月舉行的世界巡迴演唱會香港站宣傳造勢，但同時卻無奈透露要暫延超過10場內地巡唱。其實去年11月尾，有指謝安琪被愛港力召集人陳淨心狙擊，指她在雨傘運動期間曾出現金鐘佔領區，導致要取消廣州舉行的大學生音樂節演唱會。如今她宣佈內地騷延期，難免令人將事件跟政治掛鈎。對於取消內地騷，Kay無奈說：「我好內疚，有因為咁而喊過！」

謝安琪昨日在尖沙嘴出席演唱會記招，身穿白色通花單肩短裙的她，最初臉露笑容指香港站會暫時開兩場，若反應好，希望加爆場數，但未幾她變得一臉愁容，透露原定在內地巡唱的10場演唱會將會延遲舉行，她無奈說：「我自己都好唔開心，有因為咁而喊過，好多地方好似哈爾濱我未去過，我知好多歌迷都好失望，我都覺得好可惜，好多fans等咗好耐，最後都去唔到。我覺得同歌迷嘅承諾我兌現唔到，我好內疚。」

10週年意義大

入行以來，Kay一直我行我素，在前年雨傘運動期間，她曾帶物資現身金鐘佔領區，又曾經唱過《雞蛋與羔羊》，早前更被愛港力召集人陳淨心「舉報」。Kay去年開澳門站演唱會記招時，曾透露今年將會在內地包括廣州、上海及北京等開騷，但最終超過10場內地巡唱突然消失，問是否跟政治因素有關？她說：「好多原因、好多因素，我冇深究，希望有part2，到時再去過。」她指之後的馬來西亞站應該會繼續，但內地站全被抽起，搵錢是其次，10週年紀念意義重大。

Kay去年10月在澳門開個唱，之前更透露會在廣州、上海、北京等地舉行巡唱。資料圖片

前年雨傘運動時，Kay曾拿物資現身金鐘而被陳淨心舉報。資料圖片

有指Kay曾唱敏感歌《雞蛋與羔羊》，令她遭內地封殺。資料圖片
寧叫停免出事

Kay透露完成巡唱後會放一年長假，多陪伴家人：「我想珍惜同老人家以及屋企人相處嘅時間，同佢哋去多啲旅行。」Kay又表示老公張繼聰會捧場睇演唱會：「如果佢真係想上台跳我都畀，但唔好跳太勁囉，唔係我排舞啲心機就白費。」

之後記者聯絡Kay經理人夏森美，他解釋今次將內地巡唱延期，是與主辦商雙方共同決定，他說：「其實本來預咗11、12月有啲內地嘅場開始做，不過11月嗰陣係最嚴重（舉報），其實𠵱家已經沉澱咗啦，黃安都消失咗啦，但因為佢，之前引起啲所謂愛國人士激烈反應，如果到時個騷有人搞事，公安上要處理，咁主辦商會好慘。其實內地文化局、演出商同公安對阿Kay冇問題，但問題做騷有好多嘢要安排，所以我哋雙方決定延遲個騷。」

經理人又指Kay之所以會內疚，是因為她希望可以和內地fans見面，但如今卻不能成行，所以才感到不開心，而並非單純不能到內地做騷。

採訪、攝影：盧妹

Kay在台上和眾高層開香檳，預祝香港站可以狂加場。

謝安琪獲方大同現身撐場。
from:http://hk.apple.nextmedia ... 160201/19474185

謝安琪笑言見到一枱紅色利是就會開心，囝囝比她更細心。攝影：葉君海
已為人妻兼人母的謝安琪（Kay），每逢農曆新年必定忙個不停，由於工作忙碌，團年飯要預早至少一個月約：「我同張繼聰都忙，有時好內疚，要老人家就我哋。」她又說：「我係好傳統嘅女人，年廿八洗邋遢、換新衫嗰啲我一定做到足。以前仲會整糕，阿公（蘇永康）年年都等我啲糕，不過𠵱家唔整咁多，唔想浪費。」

Kay最愛的新年活動是包利是，她笑指自己強迫症：「我見到枱面全部紅色擺得好靚咁就開心，然後一定要摺得好整齊先可以入利是。」兒子張瞻亦會幫忙包利是，同樣會摺得整整齊齊，還比Kay細心：「佢會數埋銀紙啲號碼，佢發現原來啲靚號碼會俾人抽起，初時我仲驚佢入錯，一陣畀咗吉封人就弊啦。」

採訪：盧妹
from:http://hk.apple.nextmedia ... 160210/19485267

謝安琪日前接受本報專訪時，表示希望以音樂喚醒大眾，就算會有一點肚餓，依舊堅持唱首廣東歌代表自己。攝影：葉君海
【點起廣東歌】謝安琪（Kay）因為選擇做A餐，不怕壯烈下場，內地逾十場巡迴演唱會被消失，仍不甘俯首做白羊。被黃安舉報，她直言是無奈但絕不無辜：「好多莫須有，但我唔會忘記初衷。」敢於以音樂喚醒大眾的她，就算會有一點肚餓，依舊堅持唱首廣東歌代表自己，Kay深信香港樂壇唔會死，惟有逆境自強，關關難過關關過。

撰文：盧妹
面對香港樂壇的寒冬期，入行十年的謝安琪（Kay）日前接受本報記者專訪時說：「有人話廣東歌質素每況愈下，我覺得只係年代表達嘅方式唔同，歌詞涉及嘅題材好闊，就算講愛情都唔會咁膚淺，好似阿Y（黃偉文）、林夕、小克、梁栢堅，每個都好有風格。不過𠵱家budget少咗，影響到用幾多人、幾多真樂器、幾多時間混音，甚至拍MV用嘅錢都少咗，要發揮好困難，加上香港受眾少，自然首當其衝。」

Kay慨嘆網絡廿三條，令藝術創作空間下降。

Kay心目中的經典歌是自己唱到街知巷聞的《囍帖街》及講述小店情懷的《山林道》。

嘆音樂創作被扼殺

比較十年前後做音樂，Kay直言現時難好多：「做音樂嘅空間最難，以前討論空間大啲，早幾年，好多人覺得事不關己，殺到埋身會有人處理，𠵱家任何題材都四方八面討論，不過呢個係過程。𠵱家好多嘢好敏感，令人好窒息，好似網絡廿三條，令創作空間下降。如果咁樣做音樂，等於行出嚟就要粉身碎骨，咁以後出一首歌就唔會再有人做音樂，我覺得呢個係轉折位，捱過佢啦。」經歷被舉報，內地巡唱被抽起，暫時落實的只得澳門及香港兩站，Kay依然理直氣壯，無論如何都會繼續：「我嘅音樂體系係要有message，我唔會忘記初衷，有乜後果，我哋照承擔。」

Kay續說：「我唔覺得我嘅歌好政治，甚至係好溫和，只係想喚醒大家睜開眼，一啲都唔敏感，冇煽動題材，其實平日做騷、出內地唱片都遇過審批問題，要抽起啲歌先出到。」

不少歌手對於內地扼殺創作、言論自由，為了吸金，只好自我「河蟹」迎合，又大力推國語歌，她說：「好多人覺得返內地，就係賺人仔、掘金，當你喺大中華遊走，會睇到生活品味同文化嘅差異，先有咁多問題產生。但係內地歌迷喜歡我嘅音樂，我唔係睇內地做主要金主、水喉，我自問有七成時間係義務工作，唔係商業。出華語唱片係歌手必經階段，唔係睇內地市場，冇話可唔可惜，但的確有咁多樂迷會欣賞，想為佢哋而做。」

【撐學生】

去年雨傘運動期間，Kay曾帶物資現身金鐘。

【敢發言】

前年7.1前夕，Kay發表題材敏感的歌曲《雞蛋與羔羊》。

堅持不吐不快信念

不過，Kay直言最拿手仍然是唱廣東歌，她說：「我覺得雙線發展（廣東歌及國語歌）冇問題，以前四大天王都係咁，佢哋仲做埋電影，嗰個年代，好風行廣東歌。我去完台灣、北京，真係長大咗好多，因為見識多咗，不過我對廣東歌嘅情懷濃厚啲，演繹能力高啲。」

Kay指從前的廣東歌與電影及電視劇一脈相連，韓劇、日劇、內地劇興起，令香港藝術行業處捱打狀態，但她表示會堅守以廣東歌為主的信念：「十年後，我會繼續做音樂，不過唔知可以點做，呢個都係我想4月做完演唱會就休息嘅原因。我一係唔做音樂，做，我就好硬頸，要講嘅嘢我仍然會直接講，如要不痛不癢都可以，但係冇意思。」

化妝：Khaki Yan
髮型：Zap Tang of Queen's private i salon
服裝：Little Black Dress Central
場地提供：day off cafe
from:http://hk.apple.nextmedia ... 160213/19488995