張繼聰台上示愛冧阿Kay謝安琪

張繼聰前晚在九展舉行演唱會，老婆謝安琪（Kay）與兒子張瞻、好友白只當然席上支持，還有陳凱琳、林夏薇、方力申等來撐場。阿聰在台上當然多謝Kay，囝囝有上台獻花，亦重提曾幫陳奕迅作歌，之後齊齊捲入已婚三角緋聞搞氣氛，笑言「榮幸」。阿聰更安排特別環節憶亡友在生時對他鼓勵，獻唱當時紀念他而作的《是什麼》時流淚，表達感性一面，更表示：「我最重要嘅人都喺度。」最後個唱尾段，他大唱快歌勁騷六嚿腹肌及兩塊大胸肌，Kay就在台下跳不停。

Kay雖沒有上台，阿聰都大講肉麻情話：「記得出道後，有一年3月13日，第一次上《勁歌金曲》，有個女仔3月13日生日，咁啱喺屋企睇住電視，聽到有個男仔好有型彈結他唱歌，呢個女仔後來變咗我太太。」

Kay與囝囝張瞻全晚坐唔定舉橫額撐阿聰。

阿聰囝囝張瞻上台獻花，為個唱大添溫情。

阿聰展舞姿，與舞蹈員大跳貼身舞。

阿聰在台上憶念自小扶持他的亡友，一時感觸流下男兒淚。

「我老婆冇得頂」

阿聰完騷後接受訪問，透露之前為了操肌，要食清淡烚菜節食狂做運動，更因此脾氣暴躁：「我老婆冇得頂，試過有次夜晚跑完步，返到屋企想食麥皮豆漿，打開雪櫃乜都冇，嗰時好嬲惟有去瞓，第二朝打開雪櫃擺滿曬食物，工人姐姐爆料話Kay半夜三更揸車去買，好多謝佢對我好脾氣，同埋佢舞台經驗豐富過我，需要佢技術上協助。」記者問阿聰為何不叫Kay上台，他笑言：「好嘢留返畀自己。」

採訪：曹家誠
攝影：陳慧安
from:http://hk.apple.nextmedia ... 151214/19410861

張繼聰的演唱會前晚順利舉行，受訪時他自爆除衫騷肌後一度想着番衫，原來是因為怕攝親！而自認躁底的他又大讚太太謝安琪冇得頂，願意半夜三更親自揸車出去買食物慰夫！

張繼聰騷肌上陣，笑言怕攝親想着番件衫。

藝人張繼聰前晚假九展舉行《I'M OK Live Concert》演唱會，太太謝安琪（Kay）、兒子張瞻等亦有到場支持。穿上西裝的阿聰勁歌熱舞一輪後，提到未正式做歌手前已創作了多首歌曲，其中一首被陳奕迅所採用：「之後我仲同佢牽涉喺同一單緋聞度，好榮幸，不過係流嘅。」唱到《地下街》時，嘉賓周國賢從台後登場，阿聰透露兩人入行前已認識，之後兩人一起在台上拿結他自彈自唱。

張瞻上台送花
阿聰換上藍色長袍再出場，他提到有個識於微時、像自己哥哥一樣的好友，但對方因癌症去世，說到這裏阿聰開始哽咽，更忍不住流淚。唱畢當時寫給對方的歌後，兒子張瞻就上台向他送花和加油。阿聰謂這位好友離開後，為他帶來了一份禮物，在05年3月13日首次到TVB《勁歌金曲》演出時，有一個當日生日的女生在家中看到他的表演後很欣賞他，這個女生就是他現在的太太Kay，他笑說：「好似韓劇同TVB啲劇情咁，所以你哋唔好再話TVB啲劇老土！」接着，換上背心皮褸騷麒麟臂的阿聰唱到《火星文》時，脫去上衣，並舉起雙手騷肌，掀起全晚高潮！而台下的Kay和張瞻亦睇得非常投入，不時站起來，又舉起阿聰的應援手幅支持他。去到encore環節，阿聰表示要多謝家人的體諒：「呢排我要食烚嘅嘢同係咁做運動，所以躁咗少少，佢哋都慣咗我躁底。」

穿上西裝的阿聰勁歌熱舞一番。

謝安琪大讚老公good show。

周國賢與阿聰自彈自唱兼攬攬。

請去旅行補數
受訪時，阿聰透露為了這個演出瘦了約十磅，提到他會對家人發忟憎，他就大讚太太Kay冇得頂：「成屋我得麥皮同豆漿係食得，有次半夜十二點我跑完步返屋企，打開雪櫃發現咩都冇，原來個仔食晒，我就同老婆講我真係崩潰，之後嬲嬲哋就去瞓，第二朝七點佢send相畀我，原來佢凌晨三、四點揸車出去買咗好多豆漿、麥皮畀我！」他又謂要感激太太為自己打點了很多東西，並給予意見：「佢要忍我牛脾氣，有時要氹我，好似湊仔咁，遲啲請佢去旅行補數。」而阿聰表示在騷肌環節時，因為怕着涼所以曾想穿回衣服：「因為我有TVB十三廠『攝親王』之稱，成日攝親！」

周國賢

兒子上台獻花，場面溫馨。

張繼聰憶起故友，忍不住落淚。

文：音樂組
From:http://orientaldaily.on.c ... /00282_012.html