官恩娜果汁當飯，餓到暈

官恩娜（Ella）、周柏豪、鄭融、HotCha成員Regen及羅力威等一眾歌手昨日到灣仔出席耆英饑饉活動，為一眾公公婆婆獻唱歌曲。Ella指見到一眾長者為了做善事而饑饉8小時，坦言有點擔心，問到她可有試過「絕食」？Ella表示曾為了排毒而兩日冇吃東西：「我試過排毒兩日乜都唔食，淨係飲果汁，外國依家好流行，有啲療程係五日，我做唔到，嗰次兩日冇食嘢已經覺好暈，又肚餓，睇到啲鹽都好似好好味咁。」

Ella指自己為了排毒曾兩日冇吃東西，認真要靚唔要命。

Ella又自爆曾試過針灸減肥：「我試過整親隻腳去針灸，個醫生話拮我隻腳啲穴位幫我減肥，不過太痛，做咗一次就冇做。」

Regen疑走音
另外，Regen在開場大合唱時疑似走音，她澄清說：「呢首歌好高音，應該冇走（音），不過頭先比練習嗰陣緊張。」她又表示太久沒有重返舞台，初初會緊張，但自己表演欲好強，故現在已慢慢重拾狀態。而同公司的鄭融帶病上陣，她勞氣地表示被朋友傳染，問到是否被男朋友傳染感冒？她說：「男朋友都冇咁嬲，叫咗朋友戴口罩但佢冇戴，結果我畀佢哋傳染咗。」

鄭融（左起）、Regen及羅力威（右）等為一眾公婆婆獻唱，其中Regen更被指走音。

周柏豪表示與公公婆婆相處最緊要有禮貌。
from:http://orientaldaily.on.c ... /00282_038.html

歌手官恩娜（Ella）同周柏豪昨日出席「香港貿發局香港鐘表展2013」，二人分別將自己的相片放入時間錦囊保存十年，Ella就話希望即使十年後，自己無需要「打嘢」落塊面。

Ella希望能夠在十年內走遍各國名勝。

現場見Ella頸側驚現手掌般大的「咖喱雞」，她大呻因為之前搽了暗瘡藥膏，雖然痘痘明顯減少，但卻搞到皮膚敏感，又話：「『乸』到我條頸又紅又痕，如果係『咖喱雞』，要恐龍咁大個口先得呀！」在旁的柏豪抵死地說：「嘩，好大塊咖喱豬扒呀！」樂天的Ella更自嘲自己是「雞扒」而非「豬扒」。Ella又指希望能夠在十年內「走過名勝大地」，她更笑言：「十年內都唔死得住，前排先去完西安睇兵馬俑，我仲有好多名勝未睇過呀！」

Ella同柏豪將自己的相片放入保存十年的時間錦囊。

柏豪怕禿頭
至於柏豪就話希望十年後仍可以Keep到副「靚偈」，不過最重要當然是保住「男人命根」頭髮，他笑言：「諗諗下寧願冇腹肌，變大肚腩都唔想冇頭髮，好在爸爸同爺爺頭髮好齊全，不過我真係好驚冇頭髮呀。」柏豪又自爆之前整「金黃比比鳥頭」時，已驚覺髮質受損，有感要好好護理頭髮的重要性。
from:http://orientaldaily.on.c ... /00282_032.html