官恩娜發脹見肚湊囝囝超市揀健康食品養胎準備

】現年37歲的官恩娜（Ella）去年初嫁中法混血醫生Juan-Domingo Maurellet，年尾生仔，Ella產後全職湊仔，囝囝Gabriel上月剛過一歲生日，Ella大前日湊著囝囝逛超巿狂掃健康食品，她雖穿了外套，仍難掩肚凸凸，孕味極濃。

官恩娜去年2月低調與中法混血醫生男友Juan-Domingo Maurellet結婚，同年10月誕下混血囝囝Gabriel（bèbèG），轉眼間bèbèG上月已滿一歲，又學會行，Ella大前日就湊囝囝到渣甸山一間超級市場買東西，同行還有外傭，Ella當日身形發脹疑有孕，有機會三年抱兩。

【仔玩】

Ella在等車期間，不時俯身逗囝囝。DV圖片

【掃麵包】

Ella在超巿買麵包時，囝囝暫交由外傭照顧。

由於超巿內人來人往，外傭索性把bèbèG放在購物車內坐。DV圖片
萌坐購物車

當日下午5時多，Ella與外傭湊著囝囝bèbèG，由司機送往超市濕平。一身黑衣加外套的Ella，身形圓碌碌散發孕味，她在超市專心揀食物，以健康的生果和麵包為主，已懂行的bèbèG就由外傭寸步不離贒實，每當有人經過Ella母子身邊，Ella都警覺性甚強。會行會走的bèbèG十分活潑，當外傭讓他在地上行時，他即好奇四周圍走，還走到正在揀麵包的Ella身邊，𠱁到媽咪很開心。

超市客人越來越多，外傭擔心bèbèG亂跑有危險，所以就把他抱起坐在購物車，Ella繼續揀東西，三人購物完畢後，Ella索性推著購物車坐電梯到樓下。等車期間，Ella全程逗囝囝玩，但這個時候bèbèG未有理會媽咪，反而被周邊環境吸引，他眼仔睩睩周圍望兼腳揈揈，非常可愛，司機來到，Ella便湊仔上車返歸。

Ella今年6月現身賀大伯晉身資深大狀時，身形仍然甚弗。資料圖片

bèbèG上月一歲生日，Ella和老公為兒子慶祝。互聯網圖片
怕小器封口

記者前晚聯絡Ella及其經理人求證是否懷孕都未獲回覆，Ella昨才透過唱片公司回覆：「唔係有咗呀！純粹著咗鬆身衫咋嘛！」官恩娜爸爸官有權昨也透過WhatsApp回應：「我瞭解嚇先，多謝你的關心。」Ella陀B口密有前科，去年她陀仔被本報拍到肚凸行街市，但因未夠三個月一直守口如瓶。Ella不時在Ig貼囝囝相，分享湊仔樂，日前又貼抱小B女相，似乎想追多個女兒。

採訪、攝影：畢紹基、皓騫
from:http://hk.apple.nextmedia ... 161120/19839477

結婚生仔都係人生大事，梗係想同多啲人分享慶祝，不過習俗多多嘅中國人，又會怕腹中胎兒小器，所以未陀夠3個月都唔會同人講。

官恩娜（Ella）就好跟足傳統喇，佢同法籍老公Domingo第一胎守口如瓶。上年2月初，Ella低調咁宣佈同老公拉埋天窗，其實當時已經有咗一個月身孕嘅Ella，完全冇提過有喜，不過睇番啲中式旗袍，定係西式婚紗相，佢都刻意遮住個肚。

直至4月，Ella被發現陀住個大肚巨躉，喺灣仔街市買餸，好好胃口狂掃食物返屋企，當日佢仲透過唱片公司否認有喜，只係話太耐冇出活動，所以傳媒睇錯云云。點知未夠一個禮拜，就過咗3個月嘅關口，Ella喺Ig承認陀B，終於可以分享秘密！

造人成功嘅Ella相當興奮，之後會不時影下個巨肚，等到囝囝Gabriel出世，又會影下啲B仔相，話咁快Gabriel上個月一歲生日，仲好健康活潑添，呢位媽咪真係唔話得呀！
from:http://hk.apple.nextmedia ... 161120/19839928

官恩娜（Ella）上月為中法混血老公誕下囡囡Aurélie（BéBéA），加上長子Gabriel（BéBéG），湊成一個「好」字。正在坐月的Ella，除了照顧兩個小朋友，都不忘更新其社交網頁，分享生活點滴。

Ella昨日（4日）分享了BéBéA的沙龍照，可見「擺」出不同動作的BéBéA雖然全程都閉着眼，但都面露甜笑，非常可愛！Ella還以BéBéA的口吻留言：「Hello everyone!I’m 19 days old today!」

官恩娜（Ella）上月為中法混血老公誕下囡囡Aurélie，加上長子Gabriel，湊成一個「好」字。



正在坐月的Ella，除了照顧兩個小朋友，都不忘更新其社交網頁，分享生活點滴。



BéBéA全程閉着眼睛，但面露甜笑，非常可愛！

BéBéG好照顧妹妹。