群星潮玩社交app17官恩娜Ella遇變態佬

最近人氣社交app「17」攻陷娛樂圈，容祖兒、官恩娜（Ella）、鄭希怡、周秀娜、林芊妤（Coffee）等都加入潮玩行列，呢個app由台灣藝人黃立成開設，除咗可以分享相、片外，仲可以玩直播同chit chat，呢個app最特別係越多like同followers，累積到3,000新台幣就可以分錢。

現擁有50多萬會員嘅17，早排因有會員直播做愛床戰、哥哥直播「妹妹洗澡」、自慰、吸毒等片惹爭議，被痛批毫無過濾機制，黃立成表示發現違規會刪除兼列黑名單，目前有逾千人被封鎖。

身在日本嘅Coffee玩直播應網友要求做瑜伽，仲問網友畀咗錢未？

羅彩玲喺廁所玩17時彎腰露事業線，大讚17好得意，不過勁食電。

羅彩玲露事業線

隨時生得嘅大肚婆官恩娜（Ella）前日都開咗17，噚日佢玩直播時有變態佬留言：「我想睇你乳頭！」Ella反擊：「你自己都有兩個啦，使乜睇我，我唔會畀你嚇親。」還扮驚叫：「媽咪，有變態佬！」

身在日本慶祝26歲生日嘅Coffee噚日玩直播，網友叫佢做瑜伽，將隻腳擺喺頭上，Coffee照做後又笑住問：「你哋有冇畀錢我㗎？」羅彩玲（Vivian）同張致恆女友莊端兒玩直播時，都彎身露事業線成功博like。Vivian接受電話訪問時讚17幾得意：「唯一唔鍾意就係佢燒電好快，同埋啲data好快用完。」李蘊則話直播時自言自語好搞笑：「我覺得唔係點賺到錢，我玩咗兩日，賺到個幾囉，我諗要玩兩年先攞到錢。」

撰文：馮仁昭

馮仁昭
from:http://hk.apple.nextmedia ... 150924/19306736

臨盆在即的官恩娜昨於Ig貼側身大肚照。

臨盆在即的官恩娜（Ella），正期待着小生命的到來，但前日突然瘋傳Ella的男嬰已出世，導致她整天不斷收電話恭賀訊息及回應，Ella隨即在Instagram澄清BB還未出世。

Ella前日上載大肚照，相中的她穿上bra top露出超大的肚，並寫道：「唔知邊個咁大整蠱四圍同人講我今日生咗！個個打嚟恭喜我！搞到我今日乜都做唔到不停要覆短訊同電話解釋……笑死」，昨日Ella又放了側身大肚照，不斷更新訊息，以杜絕謠傳。

除了Ella的小寶寶快將與大家見面，因胎盤前置、要在醫院養胎的梁政珏，之前中秋便「放監」外出吃雲吞麵；而千億新抱徐子淇上周日亦於Ig貼咬吹波糖捧住肚的「Ready to POP」相，但仍未見到這位李家四少的廬山真面目。

撰文：炎炯炯
from:http://hk.apple.nextmedia ... 151004/19319851