張晉前晚喺上海拍電影《黃飛鴻之英雄有夢》，好打得嘅佢竟然畀武師打傷右眼，血流如注，工作人員嚇到即刻送佢入院，結果張晉縫咗5針，半塊面紅腫到似關公，難得佢仲安慰大家：「唔使擔心，拍戲受傷好正常。」
張晉右眼受傷唔輕，嚇到老婆蔡少芬（左下圖）幾乎喊咗出嚟。
老婆心痛死
張晉受傷後瞞住老婆蔡少芬（Ada），噚日佢返咗香港睇醫生，缺席喺上海舉行嘅電影記者會，Ada接受馮仁昭電話訪問話：「心痛到死，老公仲要瞞住我，今朝返香港見到佢先知，自己都忍住冇喊，機場見到佢仲懶型揮手，戴住黑超，除眼鏡腫到好似鐵蛋咁，真係心痛死。」
Ada驚到即刻陪老公去醫院檢查，好在冇乜事，Ada話：「醫生話差1cm就爆眼球，感謝主！老公仲安慰番我，不過佢要坐喺度瞓覺，怕會眼腫，𠵱家我要照顧老公同兩個女，好唔得閒。」
張晉9號就復工，上北京宣傳章子怡新戲《非常幸運》，又要拍埋王晶部《賭城風雲》，希望快啲消腫；另外，噚日《黃》片喺上海宣傳，扮演黃飛鴻嘅彭于晏話拍打戲搞到手腳紅腫，就連手掌心都生滿厚繭。
張晉前晚喺上海拍電影《黃飛鴻之英雄有夢》，好打得嘅佢竟然畀武師打傷右眼，血流如注，工作人員嚇到即刻送佢入院，結果張晉縫咗5針，半塊面紅腫到似關公，難得佢仲安慰大家：「唔使擔心，拍戲受傷好正常。」
老婆心痛死
張晉受傷後瞞住老婆蔡少芬（Ada），噚日佢返咗香港睇醫生，缺席喺上海舉行嘅電影記者會，Ada接受馮仁昭電話訪問話：「心痛到死，老公仲要瞞住我，今朝返香港見到佢先知，自己都忍住冇喊，機場見到佢仲懶型揮手，戴住黑超，除眼鏡腫到好似鐵蛋咁，真係心痛死。」
Ada驚到即刻陪老公去醫院檢查，好在冇乜事，Ada話：「醫生話差1cm就爆眼球，感謝主！老公仲安慰番我，不過佢要坐喺度瞓覺，怕會眼腫，𠵱家我要照顧老公同兩個女，好唔得閒。」
張晉9號就復工，上北京宣傳章子怡新戲《非常幸運》，又要拍埋王晶部《賭城風雲》，希望快啲消腫；另外，噚日《黃》片喺上海宣傳，扮演黃飛鴻嘅彭于晏話拍打戲搞到手腳紅腫，就連手掌心都生滿厚繭。
蔡少芬
張晉返香港即刻去醫院做詳細檢查，幸冇大礙。
from:
http://hk.apple.nextmedia ... 130904/18407639
