是非港姐、被封「黑色乳牛」的13號歐陽巧瑩，繼整容、摸胸相、錫胸留言之後，昨日繼續有床照流出，有讀者提供一張她跟前男友頭貼頭睡在床上的親密床照，相中穿着背心的歐陽巧瑩依偎在男友懷中，滿足甜笑，該名男子扁嘴瞇眼，狀甚享受，由相中的角度看，應該是一張自拍照，昨日她在電視城的港姐活動上回應：「我冇睇過，唔知係唔係我。我從來冇影過親密照，咀相都唔會，除非第二日結婚。」
13號歐陽巧瑩不停被人爆料，負面新聞勢必影響其形象。
志偉彈甩皮甩骨
20位準港姐昨日繼續以自選衣飾示人，現場選出最受傳媒歡迎佳麗，由17號陳凱琳奪得，曾志偉頒獎，志偉在頒獎前被司儀崔建邦問及今年佳麗的質素，志偉望一望後面的佳麗，然後笑笑口說：「冇所謂，選美好黑幕，未到最後一日都唔知，今年口號超想像，真係超越我想像到，諗唔到你哋咁嘅樣，今日甩皮甩骨，未在狀態。」事後志偉表示對一班女仔感陌生，只是想嚇她們，希望她們釜底抽薪。奪最受傳媒歡迎佳麗的陳凱琳表示信心大增，更希望可以得到冠軍。
昨日讀者提供歐陽巧瑩與前男友貼頭床照。
（左起）8號謝海珊、14號林思韻、16號徐韶蓓各有特色，很快就知誰可入決賽。
歐陽巧瑩大膽豪放，經常在互聯網張貼泳衣相，但6號劉佩玥在台上表示自己去海灘只着一件頭和兩件頭，未試過着三點式，被指有意影射歐陽巧瑩，她解釋說：「唔係！好多女仔鍾意去沙灘着三點式，咁佢哋着得好靚，我哋好好朋友，佢性格好sporty，我自己都要慢慢習慣同嘗試，基本上滿意自己身形，不過上鏡肥少少，但我唔會追求骨感，會努力減肥！」
17號陳凱琳獲選為最受傳媒歡迎佳麗，並在曾志偉手上接過獎座。
6號劉佩玥指從未着過三點式泳裝，被指寸歐陽巧瑩開放。
另外，崔建邦問9號劉溫馨指傳媒笑她多面油和廣東話不純正，劉溫馨說：「因我千春（青春），我成日有照徑（照鏡），cut（吸）走咗啲油。」二人的對答令台下忍俊不禁。
from:
http://hk.apple.nextmedia ... 130806/18365291
