擁有一把靚聲的李克勤再次推出發燒碟，廿年後終於能彌補當年的遺憾，但今次他要改掉多年的唱法，感覺就像綁住手腳去比武，由最初不習慣到後來愈唱愈享受。
克勤為灌錄新碟要改掉以往的唱歌習慣，花了不少心機，到後期更唱上癮！
相隔七年，克勤再推出發燒靚聲碟《復克》，今次專輯概念來自日本殿堂級樂隊「安全地帶」的主音玉置浩二，因碟內翻唱的歌曲全屬玉置浩二的作品，包括克勤自己早年已唱過的《藍月亮》及《一千零一夜》，克勤說：「通常翻唱嘅碟，歌手嘅喜愛好緊要，全部歌都係我揀。」
改掉舊習慣
克勤承認對玉置浩二有情意結，當年很多歌手都改編過他的歌曲，克勤自己總共改過7、8首，印象最深是《沉默的眼睛》，因為廿年前已經好想改編這首歌，可惜張學友比他快了一步攞了，他笑說：「估唔到廿年後有機會重新錄過。」克勤收藏不少玉置浩二的唱片，他說：「佢唱得好溫柔，完全唔嗌，今次我哋嘅指標都係咁。」
對玉置浩二有情意結的克勤收藏不少對方的唱片。
玉置浩二（中）早前來港，克勤笑言羨慕對方感情豐富。
他花了好長時間灌錄這張碟，因為他要將以前唱歌習慣全部改掉，他說：「唔准大聲、唔准嗌、唔准震音，唔准用丹田，好似綁住手腳，推你出去比武，所以我要好埋咪唱，好自然你唔會大聲唱，因為會爆咪，最初係好唔慣，之後我不停錄，到後期習慣了覺得好玩，最後用晒最尾錄嗰啲。」克勤無懼翻唱別人的歌被比較，首先他對自己有信心，他覺得不同人唱有不同感覺，他說：「唔應該有邊個好過邊個嘅感覺，我重唱嗰兩首都一定同以前版本唔同。」
精神冇異常
早前玉置浩二的行為舉止被指神化，克勤力挺對方說：「上次佢來港，我同阿倫（譚詠麟）都有去記者會同佢jam歌，我覺得佢完全好正常。」克勤又笑言只知對方有第五個老婆（註：正式註冊是四個太太），他說：「男人做到咁真係冇得頂，好明顯佢感情豐富，所以寫到咁多好聽嘅情歌，我就唔得啦，因為我係一個悶人。」
服裝：Fred Perry@ITHK
髮型：Adolph Bow
化妝：Angel Yip
From:
http://orientaldaily.on.c ... /00282_036.html
