克勤和祖兒終完成美國巡唱，他們趁機去濕平。
李克勤和容祖兒剛完成美國巡唱返港，期間又去長沙做《我是歌手4》節目，過去20日兩人變空中飛人，克勤自嘲做了李鐵人，日日飲中藥補身撐住唱，最後都攰到腳抽筋，祖兒則腰背勁痛動彈不得，要靠克勤的止痛藥救命。
情人節祖兒跟克勤一家去大峽谷玩，貼相上微博時洩露男友劉浩龍同行，祖兒鬼馬說：「佢好似係嚟咗一陣，幫人湊仔做保母，哈哈。唔好講呢啲啦，不如我話畀大家知，李生原來好鍾意食生蠔，迫大家陪佢食三打，生蠔好似話對男子漢身體好！」克勤則指是譚詠麟教路，食生蠔唱歌有心有力。另祖兒昨在微博貼床上做高難度拉筋相，不知是誰幫她影「床照」呢！
撰文：皓騫
from:
http://hk.apple.nextmedia ... 160224/19502794
