李克勤祖兒鼓勵消防員

1^# 大中小 young 發表於 2016-7-1 06:00 發短消息

相關主題: 李克勤

李克勤和容祖兒前晚到廣州舉行巡唱，兩人跟逾萬觀眾合唱感性版《紅日》為消防員打氣，克勤說：「我叫人拍低大合唱，畀日以繼夜救火嘅消防員知，廣州朋友都幫佢哋打氣！」克勤亦不停製造笑料，見祖兒用手揼腰骨就取笑：「啱啱過生日，年紀大咗好多咩？」而祖兒叫山頂觀眾下次應該落下面坐，克勤抵死說：「大家遲啲都喺下面㗎啦。」全場爆笑。

撰文：皓騫
from:http://hk.apple.nextmedia ... 160627/19670879

廷伸閱讀/相關主題推介:

相關主題:李克勤

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-7-1 06:08 發短消息

祖兒集雙子人拍MV

容祖兒最近有首派台新歌《無人知道雙子座》，佢早前特意喺網上發起招募，廣邀雙子座嘅圈中好友、一眾朋友及歌迷齊齊自拍短片，製作成新歌MV，當中包括李嘉欣、周秀娜、佘詩曼、鄭欣宜、黃偉文、阮兆祥、馬天佑、林奕匡等等，合共超過100人參與，有啲造型吸引，有啲又好鬼馬；對於大家嘅支持，祖兒表示心存感激。

撰文：馮仁昭
from:http://hk.apple.nextmedia ... 160628/19672298

TOP

3^# 大中小 young 發表於 2016-9-14 03:10 發短消息

克勤轉會送珠寶畀老婆

李克勤昨日在尖沙嘴出席加盟英皇唱片記者會，克勤說到今次的轉會費：「總之可以令個仔有機會去外國讀書，太太可以去英皇珠寶揀少少嘢。」跟藝能合作30年的他，強調雙方並非不歡而散，克勤說：「校長（譚詠麟）如我老竇，當初有同佢傾，佢話藝人係海鮮價，有咁嘅價錢就走。我有問佢拍唔拍片，但佢係藝能老闆會尷尬，只係私下恭喜。」

採訪：王連連
攝影：仇志德
from:http://hk.apple.nextmedia ... 160901/19755691

TOP

4^# 大中小 young 發表於 2016-9-14 23:55 發短消息

克勤睇波祖兒幫手

容祖兒和李克勤前晚在東莞開演唱會。

容祖兒與李克勤前晚在東莞開騷，撞正英超踢曼市打吡，即是曼聯對曼城，出名是曼聯忠實粉絲的克勤就心掛掛，祖兒好窩心發動身邊工作人員，為他提供wifi及下載睇波apps。克勤笑說：「以為可以睇半場先安心上台，點知忘記開騷前喺後台要做訪問影相，其實老婆知我心掛掛，有傳訊息畀我報告賽程。冇諗到一開波就一比零，已經好沮喪，點知喺我開騷前，入番一球，二比一，我就好開心咁收拾心情上台啦。」

提到中秋，祖兒表示會與家人在屋企做節，更會照顧新買的小狗：「原來咁細嘅狗狗，每日要瞓20個鐘，第二日突然好冇精神謝晒，即刻送去畀朋友幫我照顧佢。」

撰文：唐如
from:http://hk.apple.nextmedia ... 160912/19767814

TOP

5^# 大中小 young 發表於 2016-10-23 15:59 發短消息

克勤送珠寶感謝太太

李克勤首次為MV擔任導演一職。

李克勤昨日到商台宣傳加盟英皇後的首支派台歌《一個都不能少》，他謂是適合時機向過去30年幫助過自己的人致敬。克勤透露將會為新歌首次擔任MV導演，請來惠英紅及元華演出，問他可會請太太盧淑儀客串MV？他說：「唔好啦，要感謝佢，叫佢喺英皇珠寶自己揀啦，一百幾十都得嘅。」

至於英皇高層吳雨將於下月榮休，克勤說：「咁大間公司唔使擔心，好似球會咁都成日轉領隊啦。」另外，他將與容祖兒到惠州及新加玻等地巡迴演唱，克勤坦言擔心寨卡病毒：「原本囝囝都一齊去，𠵱家可能轉去第二度，我唱完先去搵佢哋。」

採訪、攝影：盧妹
from:http://hk.apple.nextmedia ... 160923/19778681

TOP

6^# 大中小 young 發表於 2016-10-23 16:36 發短消息

克勤執導MV瞓唔着

李克勤噚日喺牛頭角為新歌《一個都不能少》親自執導MV，請咗金像影后惠英紅、元華同古明華等拍攝，克勤話：「噚晚瞓唔到，好感激小紅姐，佢原本拍兩個shot，最終俾我游說做女主角，個個只象徵式收錢，又有金像女主男配，可以彌補自己不足。」

小紅姐就讚克勤導得好好，元華則笑言被呃要夾口型唱歌，仲玩粗口諧音：「曉！原來俾人呃咗㖭，好似上咗賊船。」

撰文：馮仁昭
from:http://hk.apple.nextmedia ... 160928/19783763

TOP

7^# 大中小 young 發表於 2016-10-23 22:45 發短消息

克勤讚惠英紅演技勁

李克勤日前和劉偉恒聯合執導新歌《一個都不能少》MV，克勤首次執導比較緊張，笑言前期工作所花的時間，是過去一張專輯所有MV籌拍時間的總和。克勤除邀請惠英紅當女主角，也請來元華、劉玉翠等客串，克勤說︰「佢哋公認好演技，可以彌補我呢位新導演嘅不足。最難忘係紅姐，佢每場戲都恰到好處，畀我見識到真正演員嘅厲害。」

撰文：陳以晴
from:http://hk.apple.nextmedia ... 161019/19804915

TOP