眾所周知李克勤係超級曼聯fans，但嘟姐鄭裕玲前排喺旅遊嘅時候，竟然買車路士球員嘅一比一紙牌畀克勤。
前晚克勤喺灣仔出席一個音樂會，馮仁昭同佢講番呢件事，克勤話：「我都覺得呢單嘢好好笑，其實我喺幾個月前收到，嗰陣打咗個突，大家都知我係曼聯fans，冇理由嘟姐咁，你都知佢好嚴謹，不過我冇擺喺個心度，都係玩啫。直到個節目出咗街，不停有好多人打畀我，劉浩龍仲半夜打畀我笑我！」紙牌最後點處置呢？克勤搞笑話：「我返到屋企，咪將個人形公仔擺咗喺房門口，點知第二朝太太起身，見到個公仔嚇咗一跳，所以放咗入倉。」
李克勤前晚出席音樂會，自爆因嘟姐送嘅車路士紙牌俾人笑。
吳若希前晚話唔介意被選為最討厭藝人。
吳若希自嘲太渣
同場嘅吳若希（Jinny）俾人問到佢揸車送馮允謙一事，Jinny話嗰日馮允謙冇揸車，所以先載埋佢。噚日佢又去咗新城做訪問，喺網民票選嘅2015年度最討厭藝人榜得第六位，佢笑笑口話：「梗係有睇，咁渣㗎輸咗。多謝大家，討厭原因係我老是常出現，好笑，唔係咁樣大家唔會咁留意我，至少有樣係代表我，例如『好得意』、『點解嘅』。」不過榜首係國際G.E.M.鄧紫棋，Jinny話：「我唔識對方，唔會評論佢為人。」
撰文：馮仁昭
馮仁昭
from:
http://hk.apple.nextmedia ... 151209/19404392
