現年50歲的司馬燕（Michelle）與老公吳忠義（Togi Gouw）結婚17年，去年Michelle不幸發現患了胃癌，需將整個胃割掉，幸得家人支持成功抗癌。Togi當日鼓勵病榻的愛妻，承諾她康復後再次舉行婚禮，最終Michelle抗癌成功，近日她努力增磅和扮靚，一家人今晚會坐夜機飛荷蘭，準備周日（28日）在當地古堡舉行婚禮。
司馬燕去年10月突然發現患上胃癌，為保命動手術把整個胃割掉，性格樂觀的她勇敢抗癌，卧病其間，她的丈夫Togi Gouw許下承諾為Michelle康復後補搞盛大婚禮，順道慶祝兩夫妻結婚17周年，現在Michelle逐漸康復，丈夫也兌現承諾，好日子揀定在周日（28日）在荷蘭的Kasteel de Haar古堡舉行，兩人先在當地時間下午3時半在古堡內的小教堂舉行婚禮，然後晚上7時舉行晚宴，與親友狂歡。今晚Michelle會與老公Togi、16歲長子吳澋滔（Ian）和14歲細仔吳景燿（Brian）提前出發到荷蘭打點。
兩子陪拍婚照
過去九個月，Michelle先後進出醫院接受八次化療，體重跌到低過80磅，但早前接受完最後一次化療後，她便開始調理身子，再行禮的心情也令她興奮，胃口大開，最近體重回升至80磅。她更獲設計好友度身訂做婚紗再圓出嫁夢，老公Togi也託當地胞妹籌備婚禮事宜，最後他豪花七位數字在荷蘭Kasteel de Haar古堡「再」迎娶Michelle，新娘子的閨中密友吳麗珠、王玉環和周美鳳等會出席婚禮，分享Michelle的喜悅。
抗癌勇士司馬燕康復，老公Togi、長子Ian（左一）和幼子Brian（右一）都戥她開心。在芸芸婚照中，司馬燕最喜歡這身狂野妝容和打扮。
康復後的司馬燕已增磅至約80磅，但穿上婚紗仍覺纖瘦。司馬燕和老公周日在荷蘭Kasteel de Haar古堡行禮。
為了以最佳狀態示人，Michelle昨午到中環染髮，髮型師更替她試頭飾，她說：「頭髮係表妹為我親手造，好閃好靚，代表佢一份心意。髮型師當日未能同行，所以扮靚變身我要自己落手落腳，今日嚟試頭飾，佢教吓我點整最靚。」Michelle早前獲攝影師好友戴妮廷親手操刀替她拍下結婚照，一對兒子都官仔骨骨出鏡，一家四口的笑容最一致。
在婚照中，Michelle除了穿上白色婚紗，還有一套黑色吊帶裙，黑裙更配襯狂野妝容，她說：「好多朋友話呢輯相係我真個性，兩輯都鍾意，難得兩個仔同老公肯陪我影，大家笑得開心，啲相影出嚟先靚。」當中有張是Michelle和Togi情深一吻，盡顯夫妻恩愛。問到婚禮進入倒數階段，心情如何？Michelle說：「我有少少緊張，真係有出嫁心情，老公同囝囝都話有驚喜畀我，唔知到時會唔會感動到喊。我同老公都度咗誓詞，但怕自己記憶唔好，我叫佢負責講，我跟住補一句『我認同。』」
髮型師為司馬燕試頭飾，她非常滿意。
攝影：黃偉雄
上郵輪度蜜月
Togi錫住大病初癒的Michelle，嚴禁她操勞，Michelle說：「老公話我乜都唔使搞，到時帶個人去enjoy就得，我𠵱家知嘅係佢會唱歌助興，Ian幫我揀婚禮嘅歌同派對打碟，又話到時作咗首詩送畀我，Brian就話幫我拍片。」她表示屆時會換上拖尾婚紗和晚裝，婚禮翌日全家便上郵輪展開蜜月之旅，下月13日才回港，她說：「我同兩個仔講呢次唔准帶電腦，我希望增至少五磅返嚟。」
問Michelle身體狀況，她說：「叫做康復晒，停晒藥。等婚禮返嚟，我要再去醫生度檢查吓血小板，如果OK就開始食兩年口服劑控制病情。記得上年患病，全靠老公畀呢個約定鼓勵我，令我加強意志好番，有呢個目標真係好得好快，話接受治療唔辛苦就呃你，但一切都過去，我相信以後會越嚟越好。」
from:
http://hk.apple.nextmedia.com/entertainment/art/20130723/18344712
