戚黛黛派對預演婚禮

1^# 大中小 young 發表於 2016-9-11 17:55 發短消息

相關主題: 婚禮

下月出嫁的戚黛黛，前晚獲一班好姊妹提早送祝福。

現年34歲的03年港姐季軍戚黛黛，將於下月13日跟副機師男友Calvin在意大利舉行古堡婚禮，待產張嘉兒昨日在微博貼出黛黛前晚的婚前派對照片，黛黛造型似新娘，似婚禮預演。出席的有同屆港姐冠軍曹敏莉和亞軍楊洛婷，還有陳茵媺及張嘉兒，張嘉兒未能出席婚禮，前晚先給黛黛送祝福。

待嫁的黛黛昨日在電話說：「噚晚好多驚喜，我哋下晝先去一個地方整陶瓷同high tea，大家夾手夾腳整咗四套杯碟畀我，呢份禮物好有紀念價值。」黛黛表示日前獲悉意大利發生地震，立即聯絡當地宴會場地，幸好不受影響。

採訪：楊定
from:http://hk.apple.nextmedia ... 160829/19752482

廷伸閱讀/相關主題推介:

相關主題:婚禮

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-9-14 23:39 發短消息

戚黛黛出閣下周意國行禮

戚黛黛昨與老公舉行接新娘儀式。

現年34歲的03年港姐季軍戚黛黛，下周二將與拍拖三年副機師老公Calvin在意大利古堡舉行婚禮。原來戚黛黛昨日在港舉行接新娘儀式，好姊妹李施嬅及曹敏莉等均有出席。

戚黛黛昨在電話中表示已與Calvin註冊，昨日純粹接新娘儀式，她說：「其實爹哋媽咪想我哋喺香港接新娘，所以我哋喺香港搞，跟住先過去意大利行禮。」她又謂：「我哋喺屋企進行，我冇喊到，但好開心，大家儍吓儍吓，唔知下一步做乜。我哋主要玩新郎兄弟，主題圍繞我鍾意嘅熊貓、蝴蝶結同cupcake。我老公唔識中文，要拼音，讀愛的宣言嘅時候好搞笑。」

採訪：魯吉
from:http://hk.apple.nextmedia ... 160910/19766298

TOP

3^# 大中小 young 發表於 2016-9-17 09:42 發短消息

朱凱婷見證意國婚禮戚黛黛High爆古堡

戚黛黛同老公喺意大利舉行結婚派對，跳第一支舞。

戚黛黛喺香港時間前晚10點於意大利一個小城嘅古堡，同細佢兩年嘅副機師男友楊智龍（Calvin）舉行浪漫意國婚禮，圈中姊妹只有朱凱婷同張紫櫻（車車）出席，車車仲話自己強搶到個花球，佢似乎好恨嫁喎！

朱凱婷（左）話行禮嗰時停咗雨，仲有太陽㖭。

朱凱婷同車車專程去意大利送好友戚黛黛出嫁。

忍唔住眼濕濕

據知婚禮現場大約有八十名來自世界各地包括中、美、英、法、日、加同香港嘅親朋戚友，一齊見證黛黛同Calvin最美一刻！黛黛噚晚接受電話訪問表示：「噚日幾開心，但有少少狼狽，因為突然落大雨，行禮喺室外，喺裏面等咗一陣影相，之後停咗雨，好在只係延遲咗少少，爸爸同舅父夾band，我哋唱歌，感覺好溫馨，我同老公多謝大家時忍唔住眼濕濕。」

姊妹朱凱婷接受訪問時話：「喺婚禮上面，證婚人仲講咗個好感動嘅古仔，叫佢哋要互相愛對方，話無論結咗婚幾多年，都要當自己係一個lover咁樣，keep住愛火！」朱凱婷形容黛黛同Calvin全程都好開心、好high，一對新人之後開派對，跳first dance之外，又同爸爸跳舞。

撰文：馮仁昭

馮仁昭
from:http://hk.apple.nextmedia ... 160915/19770836

TOP

4^# 大中小 young 發表於 2016-10-23 16:25 發短消息

戚黛黛擺酒勁請亞視人

戚黛黛同副機師老公Calvin昨日喺尖沙咀朗廷酒店擺酒，除咗一眾港姐好友之外，曾經喺亞視工作過嘅戚黛黛仲請埋一大班亞視之友嚟飲佢餐喜酒。

嘉賓包括「亞視一哥」劉錫賢、林韋辰同啱啱加盟大台嘅蔡國威都係座上客，其中蔡國威傷住隻腳都嚟飲，佢喺ig留言：「好兄弟好姐妹好同事好拍檔黛黛嫁啦,梗係跛都要嚟飲啦！」佢仲祝一對新人快啲生B o添！

據知之前黛黛都有請威仔去到意大利飲，但因為工作就唔到期去唔到，所以昨日喺香港擺酒，威仔腳受傷都要嚟。

婚宴去到晚上大約11點，好多大台藝員都離開，得返一圍亞視藝人仲喺到，黛黛同老公Calvin陪住啲親友影相，大家搭晒膊頭好開心。另外，仲有部份賓客喺到飲下嘢，傾下偈。現場清晒場咁滯，有部份親友喺門口等候。
from:http://hk.apple.nextmedia ... 160927/19783411

TOP

5^# 大中小 young 發表於 2016-10-23 16:36 發短消息

婚宴茵媺嘉兒座上客戚黛黛攞造人貼士

03年港姐季軍戚黛黛與副機師老公Calvin前晚在港擺酒，不少無綫藝人到賀。微博圖片
現年34歲的03年港姐季軍戚黛黛，今年5月與拍拖3年多副機師男友楊智龍（Calvin）在峇里訂婚，本月中在意大利古堡舉行浪漫婚禮，一對新人前晚於尖沙嘴朗廷酒店擺酒，劉錫賢、林韋辰、蔡國威、張嘉兒、李施嬅、楊洛婷、陳豪及老婆陳茵媺、朱凱婷和曹敏莉等到賀，亞視前藝人跟無綫小生花旦濟濟一堂。

戚黛黛前晚婚宴上貼心招呼賓客，經過一晚休息，她昨日在電話中說：「噚晚好開心，主要邀請去唔到意大利婚宴嘅親友嚟分享我哋喜悅，噚晚冇乜嘢儀式，簡單食餐飯。」戚黛黛表示先享受二人世界，但造人計劃就順其自然，她續說：「我好多姊妹都生晒BB，佢哋group chat都好多生仔貼士，我收集晒備用㗎喇。」

前亞視藝人劉錫賢打呔執到正出席戚黛黛的婚宴。DV圖片

婚宴現場的小食及擺設都十分精緻。DV圖片

戚黛黛本月初在香港出閣，新郎照足傳統接新娘。資料圖片
攬新娘送祝福

坐月中的張嘉兒和再陀B的曹敏莉都有出席，張嘉兒昨在電話中說：「噚晚婚禮好感動，舊年黛黛有飛嚟加拿大參加我婚禮，今年佢結婚我特別有感覺，咁啱我又做媽咪，所以去唔到佢喺意大利搞嘅婚禮，終於等到香港擺酒，可以親自去攬實祝福好姊妹。」問到新手媽咪張嘉兒湊女情況，她說：「第一個星期好唔習慣，未熟悉囡囡脾性，呢個星期掌握好。」張嘉兒希望戚黛黛趕快加入人母行列：「我鼓勵佢快啲生BB，同我哋啲BB一齊玩。」

蔡國威跛腳都撐着去飲宴，場中碰到友人傾唔停。DV圖片
蔡國威跛都到

蔡國威日前不慎弄傷右腳，他前晚紮着腳出席婚宴，並在Ig留言：「好兄弟好姐妹好同事好拍檔黛黛嫁啦，梗係跛都要嚟飲啦！」前晚11時許，婚宴尾聲，無綫藝員差不多全部離開，只剩亞視昔日藝人不捨留下吹水，戚黛黛夫婦則興奮跟親友影相。

採訪：劉敏
攝影：梁繼光、朱志聰
from:http://hk.apple.nextmedia ... 160928/19783716

TOP