陳豪飛加國慰妻六月响巴黎結完婚嘅陳豪同陳茵媺，轉過頭就要做分飛燕，男嘅返香港搵奶粉錢，女嘅就返加拿大靜養安胎。
星期日（十四日），陳豪出席公開活動，講明第二日（星期一）會飛去加拿大多倫多探太太，順便會响當地補擺喜酒。開始肯認自己會做爸爸嘅陳豪，話對父親同BB呢兩個名詞開始有好奇心，好想了解多啲，至於陳太係咪傳聞中佗孖胎，陳豪一味笑唔肯答。
攞住澳洲護照嘅陳豪，出發去多倫多探老婆兼補擺喜酒，仲話原本心情好輕鬆，但見到咁多記者嚟送機，搞到佢好緊張喎！
等到星期一，陳豪同哥哥一齊現身機場，記者問佢之後會唔會同大肚婆一齊返香港？陳豪話暫時未知，因為仲有時間考慮喎！藝人就係咁，知嘅唔講，係事實又唔肯認！
出發前最後一擊搵奶粉錢，原本叫陳豪飲咖啡，點知部咖啡機壞咗，之後仲現場單支唱《年少無知》，又飲又唱，酬勞應該唔錯囉！
陳豪去到邊都咁受歡迎，除咗有地勤要影佢相，鬼婆都要同佢合照。
