曾被喻為城中筍盤嘅陳豪上月封盤做老襯，同拍拖兩年幾嘅陳茵媺上月喺法國結婚，𠵱家喺加拿大專心養胎嘅茵媺，雖然老公因為要賺奶粉錢冇得陪伴左右，但佢仍不愁寂寞。
自上月喺微博上載結婚相後，噚日茵媺再上載咗張素顏相，之後又上載咗張祝福卡，從照片所見，雙喜臨門嘅茵媺顯得容光煥發，仲大晒幸福留言：「陽光燦爛的心情，彷彿令身邊的事和物加添一份美好感覺，更在人生的路途上存着更大的意義……衷心感謝各人的祝褔，願我們的快樂能夠跟你們一同分享……同時亦希望各人活着美好的人生！」
暴脹唔少嘅廖碧兒自從飛甩陳豪後，就連人氣形象都跌到谷底。專心喺加拿大養胎嘅陳茵媺噚日喺微博大晒素顏幸福相。
心有靈犀齊放相
陳豪舊愛廖碧兒自從慘失筍盤後，唔獲網民同情之餘，仲被圍插鬧佢當年飛甩陳豪，唔知係咪受舊愛結婚新娘唔係我嘅打擊，廖碧兒自暴自棄發福唔少，噚日佢仲同茵媺心有靈犀，齊齊上載新相到微博，由於噚日係加拿大國慶日，所以喺加拿大出世嘅佢同三隻小鸚鵡合照賀國慶，不過佢就冇透露係咪身在加拿大，係嘅話，隨時有機撞到茵媺。
from:
http://hk.apple.nextmedia.com/entertainment/art/20130702/18318922
