前晚一眾《金枝慾孽貳》演員及監製包括戚其義、蔡少芬（Ada）、伍詠薇等齊到銅鑼灣，一齊睇《金枝慾孽貳》結局。對於發哥周潤發都話睇唔明，戚其義就問﹕「咁發哥有冇睇解構呀？」
談到編審周旭明同雯女隔空對罵，阿戚就話佢都有留意，並認為只係一場誤會，「睇周旭明的答法，應該唔知對方係咩事，所以唔可以話係對罵，咁對大家都唔公平。」阿戚續說﹕「個劇出街唔夠一個禮拜，絕對係對個劇傷害好大，對其他演員都好唔公平，黃德斌有呢個反應都好正常(微博寸爆某「偽人」)。演員受命好積極咁去做宣傳，佢(雯女)就好極力咁去唱戲，難免戥其他演員不值。」
至於收視創新低，阿戚坦言失望﹕「收視好與壞，喺TVB都有一個底數。」但佢否認同已離開無綫有關。家陣阿戚已有其製作公司，係有新東西度緊，不過唔方便透露。
from:
http://hk.apple.nextmedia ... 130602/18280498
