發新話題 Report thanks

傳3000萬築愛巢,陳豪接陳茵媺返歸

陳豪與陳茵媺(Aimee)拍拖兩年,近日有指男方豪擲3,000多萬在大埔買獨立屋築愛巢,準備迎娶女友,在馬來西亞拍新劇《單戀雙城》外景近一個月的Aimee,昨午11時45分自檳城返港,戴帽化淡妝的她推着行李車,笑容滿面左望右望似搵人,問到男友豪擲3,000多萬買樓?Aimee笑言:「我剛落機唔知呀!結婚?真係乜都唔知。」男友買樓開心嗎?Aimee笑說:「又唔係我買!」記者笑指有她份,她只笑而不答。及後Aimee推着行李搭𨋢落地面,原來陳豪駕駛平治座駕在恭候,還即時幫女友搬行李,問到新買的豪宅是否愛巢?陳豪面紅說:「唔話你哋知!」
傳3000萬築愛巢,陳豪接陳茵媺返歸圖片1
陳豪昨午親自到機場接女友陳茵媺機,問到買樓結婚一事,陳豪即時面紅。
陳豪生日恨飲奶
陳豪送完女友回家休息後,下午4時許與蔡少芬(Ada)及黃德斌等到荃灣宣傳無綫劇《金枝慾孽貳》,與黃德斌同是4月生日的陳豪獲送上蛋糕補祝,在劇中飾演奶媽的Ada扮錫祝賀並催婚,陳豪卻說:「希望有牛奶飲啦!」Ada聞言說:「我可以幫到你喎!」陳豪則解釋因見蛋糕才會這樣講。談及親到機場接機,是否很掛念Aimee?陳豪笑說:「唔話你聽,好開心佢拍完。」因女友疑曾被手多多才這樣緊張?陳豪否認:「唔係,知係拍戲。」他未有正面回答是否築愛巢,只謂去睇樓,亦不肯透露有沒有落訂。
對於鄧萃雯謂拍《金枝貳》劇本飛紙仔,演員也不明故事,陳豪撐監製戚其義說:「《金枝》時都係咁,劇本有喺度,但改七、八次,演員都習慣呢個模式。」
傳3000萬築愛巢,陳豪接陳茵媺返歸圖片2傳3000萬築愛巢,陳豪接陳茵媺返歸圖片3
陳豪駕車載陳茵媺離開,齊齊向記者揮手,甚有默契。陳豪(左)與黃德斌同在4月生日,蔡少芬扮送香吻祝福兼催婚。
from:http://hk.apple.nextmedia.com/entertainment/art/20130505/18249378
如果您喜歡這篇文章,請按「讚」或分享給您的朋友,以示鼓勵。

TOP

thanks