黎耀祥、敖嘉年、馬賽同唐詩詠主演嘅無綫新劇《神探高倫布》前晚播出中，劇情一開始，祥仔飾演嘅高倫布（即係高大喜）就同敖嘉年飾演嘅包不同誓不兩立，原來佢兩個之前係好兄弟，不過因為一宗槍擊案，搞到兄弟都冇得做！說話高大喜同包不同本來係好兄弟，感情好到會一齊去舞廳玩，點知某次巡邏，高大喜畀賊仔挾持，賊仔要包不同開槍射高大喜先肯放佢生路，最後高大喜捉住包不同隻手開槍射自己，點知最後高大喜冇死到，仲因為個腦受槍傷而激變高智商、冷傲無情嘅高倫布，兩兄弟亦自此反目。祥仔一時係冷酷嘅高倫布，但頭痛就變番親切嘅高大喜。
賊人用槍指嚇，嘉年同祥仔自然腳震！
蕭正楠咀馬賽
蕭正楠喺下星期有艷福，一場戲講馬賽俾賊扼頸幾乎窒息，蕭正楠用人工呼吸同心外壓，話咁易就咀到馬賽同接觸到佢嘅胸口。另外，有高登仔發現第一集有穿崩位，話說高倫布破案嘅報紙頭條報道，段文文不對題，仲要喺N年前套《女拳》出現過。
祥仔捉住嘉年隻手，叫佢放膽開槍。蕭正楠為馬賽做人工呼吸，英雄救美。
from:
http://hk.apple.nextmedia.com/entertainment/art/20130410/18222504
