李彩華跳水失手痛哭

就係呢一跳，我哋會記得李，彩華（Rain）。佢為參加江蘇衛視嘅話題節目《星跳水立方》，練水練到對腳又紅又瘀，我見猶憐。節目喺前晚播出，fans梗係落足心機睇啦，點知睇完個個都好心噏囉！
話說當日阿Rain做足準備，揀咗套搶眼嘅紅色泳衣，化行晒妝，戰戰兢兢咁踏上三米板，大家都好期待呢位索女有個完美演出。而佢揀咗向前抱膝半周嘅動作，對明星嚟講，已經係超高難度。終於嚟到挑戰自己嘅一刻，阿Rain深深吸一口氣，然後一躍而下，只見佢喺空中抱膝翻騰半周，但因為入水角度有偏差，搞到成個人橫身撻落水面，跳水變炸水，全場即時發出尖叫聲，擔心阿Rain受傷。

李彩華喊到收唔到聲，主持即刻講爛gag𠱁番佢。
成為集體回憶
好彩阿Rain上水時仲識得伸脷，但始終之前付出過唔少汗水同淚水，最後亦忍唔住淚灑當場，佢話：「對不起大家！在跳的那一刻，根本不知自己在幹甚麼！」主持人即時套用星爺金句安慰番佢：「穿上泳裝的你是最漂亮的。你是最美的，對不對？」阿Rain遺憾未能晉級，但呢一跳肯定成為集體回憶。
明星玩跳水如同玩命，何韻詩日前先喺微博度鬧話太危險，不過佢哋為慈善乜都肯制，真係偉大咯。

李彩華練得咁辛苦，其實已經有交代。跳水，兩個字，一橫一直，李彩華就係前者。
from:http://hk.apple.nextmedia.com/entertainment/art/20130409/18221256

李彩華（Rain）最近為練習跳水導致周身瘀傷，希望在內地真人騷節目有好表現，可惜第一輪比賽便告失手，背脊落水慘變撻生魚，即時被foul的她失望狂喊，認真慘情！

最近江蘇衞視舉辦真人騷節目《星跳水立方》，邀得李彩華（Rain）、前Super Junior成員韓庚及其他藝人在北京挑戰高台跳水，他們均臨急抱佛腳，短期內接受地獄式跳水特訓。

當中Rain近一星期不停練打翻及狂撻水，導致周身瘀傷，難怪她曾在微博呻辛苦。不過意志堅定的她仍堅持參賽，在前晚播出的節目中，更挑戰高難度動作「轉身翻騰三周半」！

只得37分
當晚Rain的泳裝性感冠全場，非常養眼，可見她對節目相當重視。她出場緊張地說：「能跳下去就行，我腦子都是空白的。」到正式上陣，她意外失手，轉身後未能抱膝，結果玉背撻落水，現場嘉賓當堂O嘴，Rain只得37分成為最低分藝人，於第一輪便被踢出局！

Rain上水時已知失手，即傷心得嚎哭流涕，主持人上前安慰，全場觀眾亦為她拍掌打氣。教練熊倪表示Rain有勇氣挑戰跳三米高台已經贏了，但Rain仍喊到收唔到聲，認真我見猶憐。她哽咽說：「對不起大家，看到大家那麼支持我，很感激，我跳的時候根本不知自己在幹嗎！」而台灣藝人阿雅亦因低分被foul後同樣傷心狂喊，可見練習過程壓力甚大。

韓庚晉級
其實不少藝人都曾在練習時受傷，節目被外間批評不顧藝人安全，例如韓庚曾上顎流血，亦因入水動作失誤在池中暈倒。前晚他一度不滿自己表現而眼濕濕，幸最終仍順利完成動作晉級。

另外，Rain昨晚在微博留言，答謝粉絲一直支持：「雖然這次失敗了，但也是我人生一個非常難得的經驗，我會繼續努力在我的電視劇上。」
from:http://orientaldaily.on.c ... /00282_008.html