李彩華結婚拖字訣

1^# 大中小 young 發表於 2016-3-29 16:34 發短消息

相關主題: 李彩華

李彩華昨日表示在新劇要挑戰打鬥場面，更曾打瘀手指。

李彩華（Rain）昨日在大埔出席「月見兔運動樂團」揭幕禮，近年主力在內地發展的她透露，將在新劇中飾演滅絕師太，由於有連場動作打戲，所以最近要勤練拳擊兼增加運動量。Rain並謂年初拍戲時，不慎被對手打瘀手指。雖然她長期不在港，但和男友何遠恆卻沒少了見面，她說：「正常，低調，我哋間中都有見，雖然係香港人，但喺內地做嘢。」

Rain的胞弟於年初結婚，被弟弟爬頭的她可會再提早計劃結婚？Rain說：「大家都咁忙，過多幾年先，大家相處嚇，我哋只係拍咗拖差唔多一年，除非有意外，當然我唔會有。」因為做足安全措施？她直言：「絕對唔係，因為我係基督徒。」

採訪、攝影：黃曉妍
from:http://hk.apple.nextmedia ... 160321/19537792

廷伸閱讀/相關主題推介:

相關主題:李彩華

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-5 23:09 發短消息

李彩華自爆情緣差

李彩華（右）昨日在金鐘接受黎燕珊的節目訪問談情史，曾跟林峯傳緋聞，聽到林生兩字即轉話題：「當初林生（林小明）話告誹謗，但聽趙小姐（趙雪英）話已不了了之。以往冇乜幾段情係好，有男友趁我返內地帶女仔返屋企。另一個追我時仲有兩個未斷。」她現時跟何遠恒感情順利。李彩華被指變樣如「美圖」後的宮雪花，她笑說：「花姨嗰張over啲，我嗰張冇，要整都等再大啲眼下垂先啦！」

採訪、攝影：王連連
from:http://hk.apple.nextmedia ... 160715/19695196

TOP

3^# 大中小 young 發表於 2016-8-6 01:05 發短消息

李彩華兩年內結得成婚嫁過氣「新五虎」

32歲「小背心」李彩華（Rain）轉戰大陸拍劇幾年，吸金力強，又係出咗名嘅圈中小富婆，身邊一直不乏裙下之臣，據知Rain同過氣「新五虎」何遠恒秘撻近3年，當年何遠恒喺無綫捧極都唔紅，結果敗走大陸轉行做生意。

昨日有周刊爆李彩華想兩年內結婚，早前同男友何遠恒一齊去歐洲睇球賽，感情穩定，據報道講何遠恒離開大台後，佢就喺大陸投資冷氣、裝修及瓷磚生意，收入都唔少，李彩華就向報道透露佢同男友有共識，暫時專心事業，佢都想有自己空間，未想太快結婚，總之二人都視對方係結婚對象，李彩華亦大讚何遠恒嘅表現好過之前嘅男友嘅，結唔結得成婚，仲要觀察男友表現，不過佢諗如果結得成婚應該係呢兩年嘅事。

此外，李彩華一向投資有道，手頭已經有5個豪宅喺手，佢在報道中坦言暫時唔會喺香港買樓，因為要畀雙重印花稅，認為唔值得投資，今次佢同男友嘅歐洲之旅，佢哋喺英國都有去睇樓盤，佢亦想喺澳洲及加拿大置業。投資咁叻，睇嚟兩年內做少奶奶真係一啲都唔難!
from:http://hk.apple.nextmedia ... 160724/19707957

TOP

4^# 大中小 young 發表於 2016-8-6 01:12 發短消息

李彩華老尷拒同何遠恒合照一講結婚就耍太極

李彩華(Rain)同過氣「新五虎」何遠恒秘戀近3年，感情穩定，最近更傳佢哋會喺兩年內拉埋天窗，不過Rain接受訪問時就笑住否認﹕「你估抽閃卡咩？咁快，慢慢嚟喇，呢啲嘢唔急得，總之天公叫我閃就快閃，慢閃就慢閃。」

幾時結婚就仲未知，但Rain同男友前晚就好恩愛咁過咗大海，去澳門新濠影滙綜藝館欣賞黎明嘅演唱會，見Rain睇得好high。尾聲時，Rain仲拎住支吹氣棒棒走到台前跳舞，仲離遠同Leon喺影合照，而何遠恒就一直尾隨Rain做跟得男友。當記者要求佢哋合照時，Rain就不停話﹕「唔好啦！唔好啦！」何遠恒亦好聽女友話，企喺Rain後面雙手插褲袋，一臉尷尬咁儍笑。不過見何遠恒個樣就真係比以前脹咗好多，真係成個生意人咁樣。
from:http://hk.apple.nextmedia ... 160725/19708999

TOP

5^# 大中小 young 發表於 2016-8-10 07:07 發短消息

李彩華變幻球派糖

李彩華昨在微博晒三點式泳照，上圍離奇升cup。

夏日大解放！人妻林夏薇、何嘉莉及最近封盤的李彩華昨日輪流在網上派糖，她們不約而同出海曬身材，在社交網貼三點式泳裝照。論睇頭，身材偏瘦的李彩華心口突然多了幾両肉，認真神奇！

採訪：非非
from:http://hk.apple.nextmedia ... 160809/19728234

TOP

6^# 大中小 young 發表於 2016-8-24 00:12 發短消息

李彩華扮老鼠拍拖

戴米奇老鼠帽的李彩華，日前到中環接男友何遠恒。

現年32歲的李彩華（Rain）16歲入行，在娛樂圈打滾16年，近年轉戰內地，賺到盤滿缽滿，與過氣「新五虎」何遠恒拍拖3年，感情穩定。

日前本報便發現頭戴米奇老鼠帽、一身少女打扮的Rain做廿四孝女友，由銅鑼灣駕車到中環接男友。

Rain回應記者訪問時笑說：「我不嬲打扮都好young，我啲friend都叫我『百變小公主』，不過工作嘅時候梗係要有style啲，其實我都好young㗎！」據知，何遠恒目前主力做有關高智能科技的建築行業，問Rain是否真的未有結婚打算？她說：「𠵱家大家都忙，等天主安排啦！」

採訪、攝影：潘冠恩、吳耀輝
from:http://hk.apple.nextmedia ... 160819/19741659

TOP

7^# 大中小 young 發表於 2016-8-24 00:12 發短消息

32歲李彩華大變身圓面冇咗權骨平埋

李彩華（Rain）今年踏入32歲，人越大就越愛打扮，之前仲貼過張自拍照放上網，個樣真係唔同晒，不過就睇得出佢真係對自己好有信心！

其實Rain喺00年出道，當時佢顴骨凸出，仲有啲包包面，行清純少女路線。之但係佢05年成為纖體公司代言人，仲同老闆蕭定一傳過緋聞，無耐就開始「脫胎換骨」，不單止瘦身，甚至連樣都開始進化，有傳Rain試過打針瘦面，無論係面形、下巴都慢慢轉變。

而Rain北上發展後就越搵越多，仲越嚟越靚，佢嘅化妝技巧都進步咗！唔止濃妝咗，有時仲識變身，試過化妝化到似周汶錡，又有試過似張栢芝，唔怪之得啲朋友叫佢「百變小公主」啦！
from:http://hk.apple.nextmedia ... 160819/19741643

TOP