現年33歲的圈中小富婆李彩華，轉戰內地多年，早已孭正女一的她，拍劇每集收人仔30萬，加上出席商演做代言人，豬籠入水。最愛投資磚頭的她，原來倫敦已有四個物業，吼準香港樓市暢旺，今年六月將位於東山臺的物業沽出，大賺四百萬，同一個月，她又再用李母名字入市，以三千四百多萬買名門，手上持七個物業，好有米。
李母持有
李彩華早前將一三年購入的東山臺單位以一千五百多萬出售，大賺四百五十萬，六月，她又再度出擊，以三千四百多萬，購入現住屋苑的另一個單位，為避開雙倍印花稅，由李母張文潔持有。
「Rain（李彩華）好鍾意睇樓，佢住入名門之後，一直都順風順水，加上睇啱嘅單位比市價平咗好多，佢諗都冇諗就即刻扑槌，層樓仲未開始裝修，搞掂就會租出去。」知情者說。
上週六早上八點，李彩華由屋企出發，坐的士到機場飛內地做騷。
李彩華跟媽咪（張文潔）感情要好，兩母女年初一齊飛摩洛哥做旅遊節目。
六月購入3,480萬名門單位，由李母張文潔持有。
跟昔日無綫小生何遠恆拍拖年多，早前孖住去睇黎明演唱會。
演唱會舉行在即，她被邀在薛家燕主持的懷舊金曲做嘉賓，早前出席記者會做宣傳。頻頻返內地開工
除香港四個物業外，因身邊朋友向來對英國樓市有興趣，李彩華數年前開始睇倫敦商用物業，有時間便孖住朋友飛倫敦專攻商鋪、停車場、貨倉等拍賣會嘅筍貨。據了解，她現在手持的四個倫敦商用物業，估計市價約值四千萬，全部放租。
大部分時間在內地開工的李彩華，上週六（八月十二日）早上八點出門，單拖飛內地做騷，在機場拉住行李喼的她一支箭在櫃台辦登記手續，隨即匆匆入閘。
「Rain早排好旺場，因舊年拍咗部時裝劇《情迷睡美人》大收，佢試過一個月接到幾個廣告代言人，每個百幾萬，加埋出活動做商演，一個月賺唔少，不過佢唔大花筒，將大部分收入用嚟投資磚頭，所以佢一直好勤力做嘢，就算依家咁有景，佢都唔會揀job。佢成日講，話自己好鍾意做嘢，一啲都唔覺得辛苦。」知情者說。
七月出處女寫真，李彩華大賣四十三吋長腿，在書展中現身亦玩黑絲誘惑。
早前擔任內地綜藝節目主持，王祖藍兩公婆應邀做嘉賓接受訪問。
身家豐厚，李彩華不時被拍到在名店掃貨。
十月開個唱，她近日亦頻頻入studio練歌準備。港英物業1億830萬
本來有四個香港物業的她，六月沽出東山臺後，現手持三個單位，一個自住，另一個給屋企人，新購入的名門單位則會放租，加埋倫敦約4千萬的四個物業，現有過億身家。
買入/市值
11年 嘉蘭閣/1,200萬/約1,350萬
12年 名門/1,600萬/約2,000萬
17年 名門/3,480萬
嘉蘭閣
名門
撰文、攝影、攝錄：娛樂組
香港倫敦狂掃磚頭李彩華入市買3500萬名門
