林峯與鄭少秋早前在黃竹坑宣傳電影《忠烈楊家將》，二人十年前合作過電視劇《血薦軒轅》，同是演父子角色，一別多年，秋官稱讚林峯演技進步良多，林峯從秋官身上獲益不淺：「秋官着戲服好似上咗身，當年知佢學咗一套劍法，要嚟演好大俠角色，其中原因係要有自己嘅劍法，所以我去學，起碼拍古裝拎長劍都似個劍客。」
秋官在《忠》片中演楊令公，有七名兒子，除林峯外，還有鄭伊健、吳尊等，他說：「個個仔都好戲，第一日拍救父戲，佢哋流露出嘅感情，連我都動容，個個對我都好好，反而係對唔住吳尊同付辛博，喺一場打戲，唔小心打到佢哋，好彩靚樣冇事。」
from:
http://hk.apple.nextmedia ... 130325/18206167
