戰鬥格的陳敏之，因長期過度操勞以致免疫力出現失調，前年更為患上紅斑狼瘡一度要停工。復工後去年再連踩三劇，健康再響警號的陳敏之，近日急殺停工作休養。
學識錫身，事關陳敏之已決定今個年底跟拍拖多年的男友William結婚。
不單做主持，演過多年電視劇，陳敏之亦一樣好有壓力，早前就自爆要半夜做功課記對白好辛苦。
賣命無功勞
有殺錯無放過的陳敏之，上月忽然一改作風，辭演她做第二女主角，有《老表》班底延續的新劇《食為奴》。
前年因為紅斑狼瘡要停工養病的陳敏之，停工半年養病，雖然稍見好轉，但去年她變本加厲，一口氣直踩《東宮西宮》、《法網狙擊》和未出街的《熟男誘惑》，並客串《衝上雲霄2》，結果操勞過度，病情再次出現反覆，導致嚴重失眠、情緒不穩。
健康臨警戒線，但陳敏之仍死撐孭埋《華姐》司儀，結果表現換來劣評如潮。
「之前拍劇敏之跌傷鎖骨搞到頸椎移位都忍住痛開工，舊年養完病又好快就埋位拍劇，佢仆心仆命，但公司都唔睇佢，舊年台慶連入圍都冇，佢都應該醒，要顧住自己身體。」知情者說。
據悉陳敏之早前終向公司請假數月，除了較輕鬆的廣告工作，拍劇或要捱更抵夜的工作，一概唔做。
被指做大騷司儀唔夠班，陳敏之之後飛外地度假減壓，更放了三點式泳衣相在微博show身材。
決定停工休養，陳敏之即拖埋男友約朋友食飯，其中包括卓悅老闆娘。
年底結婚造人
過往事業行先，陳敏之多番婉拒男友求婚。再次面對健康威脅，令她深切體會珍惜身邊人比事業重要，計劃跟拍拖多年的William（雷偉信）年底拉埋天窗。
「佢好驚個病又翻發，男友養得起，又一直唔想佢咁辛苦。見William對自己不離不棄，敏之都諗通咗，覺得女人嫁個好老公緊要過事業，所以決定結婚。婚期暫定年底，但未決定會唔會大搞。依家養好身體，因為佢哋都想要BB。」陳敏之身邊人說。
等嫁的陳敏之，近日養尊處優，約會朋友high tea，到美容院做facial，出入又有司機接送，預演阿太生活。
早前本刊記者發現她孖住男友，約會卓悅老闆娘及一眾友人食飯，唔使開工，冇壓力的陳敏之，特別容光煥發！
拍住曾志偉及森美做《華姐》司儀，當晚唔夠字正腔圓的陳敏之即被網民指係ugly花瓶。去年32歲生日，男友做波士包場請一班朋友伍詠薇、陳法拉等人食法國餐慶祝。
傳患紅斑狼瘡的她，去年底被發現到公立醫院覆診。雖然暫停唔拍劇，陳敏之照接活動搵銀，當然唔少得低胸搏殺。
跟男友聯名購入清水灣半島單位，二人亦在上址同居多年。
10年拍《公主嫁到》，休息不足的陳敏之每日戴住重達十磅的頭飾開工，令頸椎移位，導致全身腫脹，一度嚴重至連手指都郁唔到。身為家中經濟支柱的她，因擔心請假打爛飯碗，受傷仍忍痛戴住頸箍開工。
跌斷鎖骨
頸骨未癒，之後拍《怒火街頭》，演鳳姐的她在一幕追逐食霸王餐嫖客場口，因天雨路滑不慎跌倒，引致左邊鎖骨斷裂，但只休息數日便復工。
撰文、
