第37屆香港國際電影節昨晚舉行開幕禮，邱禮濤執導、黃秋生和內地女星周楚楚主演的《葉問──終極一戰》獲邀為開幕電影，今屆電影節大使楊千嬅也有出席。對於近期的倫常慘劇，千嬅說：「我同老公得閒就睇書，睇吓點同個仔溝通，不過個仔仲細，我仲有時間學吓點湊仔。」問丁子高接受財經版訪問，聲言不會靠老婆，千嬅笑言：「丁生其實好勤力，EQ好高，我哋一向財政獨立，但我間中搾取佢啲錢買禮物。」
千嬅昨晚以香港國際電影節大使身份亮相開幕禮。楊紫瓊昨晚出席亞洲電影大獎酒會，聲言想回歸拍港片。
楊紫瓊想結婚
對於倫常慘劇，秋生說：「真係好嚇人，似食錯藥咁，我即刻有同兩個仔溝通，大仔好識諗，唔使掛心，細仔鍾意打機，佢最近先中咗單大嘢，我罰佢三日留喺屋企抄三字經。」此外，第七屆亞洲電影大獎頒獎禮今晚舉行，大會之前公佈楊紫瓊奪卓越亞洲電影人大獎，昨晚大會在灣仔君悅舉行酒會，除楊紫瓊外，林建岳、徐崢、韓女星趙敏修和金高恩等均有出席。問楊紫瓊是否今年與男友結婚？她說：「仲諗緊，作為女人，有個男人咁鍾意自己係好開心嘅，但我同佢都忙，冇時間傾婚禮點搞，但一定返大馬舉行，因為想畀爸爸見證。」
內地女星周楚楚昨晚以大露背裝亮相，引起關注。黃秋生和周楚楚代表《葉問──終極一戰》出席開幕禮。
from:
http://hk.apple.nextmedia.com/entertainment/art/20130318/18198700
