楊千嬅接放學時讚Torres大個仔，返學沒有不習慣。
楊千嬅和丁子高昨日做廿四孝父母，陪5歲囝囝丁進諾（Torres）首日返小學。昨早約8時50分左右，一家三口坐七人車抵學校，不過為了避開傳媒，七人車直接駛入學校。其實，學校校長及一位外籍老師，昨早發現校外有記者守候時，已經上前了解。
廿四孝媽咪千嬅陪Torres一齊坐校巴放學。DV圖片
千嬅（箭嘴示）昨日送囝囝返學，直接將七人車駛入校內。
千嬅6月時拖實囝囝出席學校的新生日。資料圖片
大個仔已習慣
下午2時20分，千嬅折返學校接放學時，接受現場傳媒訪問，她亦笑說：「係呀，因為你哋所以我有優惠囉！」她續說：「因為你哋，學校都收到好多電話，因為呢度車路有轉彎位，怕我擾攘會影響到其他同學，呢度交通係有啲問題嘅，所以我都唔好意思。」
千嬅又指Torres已習慣返學，笑着讚囝囝甚麼都習慣，已經大個仔。問她有否因囝囝升小學失眠？千嬅說：「冇喎！佢就好興奮，但係讀小學要低調啲，呢度校規都嚴嚴哋，要早啲瞓覺，讀書好認真！」至於會否多點放假陪Torres開學？千嬅透露之後會好忙，年底要做騷。而她昨日接放學後，與囝囝一齊坐校車離開。
羅敏莊指囡囡陳禛昨日開學很開心。
羅敏莊女開心
另外，羅敏莊和陳國邦的4歲寶貝女陳禛，昨日同樣開學，她選在馬鞍山讀國際學校，羅敏莊友人昨日在facebook上載了陳禛返學相，見陳禛穿上校服笑咪咪好開心。羅敏莊接受《蘋果》電話訪問，問她囡囡可有不習慣？她說：「冇，佢完全冇問題，好開心呀！」
之前羅敏莊帶囡囡去曼谷找學校，早前她和老公陳國邦在當地買了物業，問她是否有計劃送囡囡去當地讀書？羅敏莊表示：「未有咁快，等個女到咗可以寄宿年齡先啦，起碼都幾年之後。」
採訪：羅慧敏、魯吉
攝影：陳順禎
from:
http://hk.apple.nextmedia ... 170816/20122450
