楊千嬅讚老公丁子高識跳舞

1^# 大中小 young 發表於 2015-11-12 18:36 發短消息

楊千嬅和張艾嘉前晚在金鐘出席「香港亞洲電影節2015開幕禮」，千嬅日前與囝囝Torres出席郭富城（Aaron）生日會，千嬅說：「佢見到Aaron哥哥冇出聲呀，其實佢通常睇電視同喺馬場見到，阿仔仲問點解佢（Aaron）唔去riding horse，佢觀察能力好強。」

一眾嘉賓在台上用神棍大玩自拍。

千嬅爆Torres喜愛跳舞，有記者笑問囝囝與老公丁子高的舞藝相比又如何？千嬅笑說：「我老公真係識跳舞，只係當時導演唔知點拍，斬開曬所以搞成咁，佢真係跳過《寒》畀仔睇，佢真係識。」問千嬅會否讓囝囝做童星？她說：「我自己同小朋友拍過戲，我實在唔太忍心，覺得小朋友需要有童真，一旦打開佢哋眼界，返學會覺得好悶，都想囝囝讀書為先。」

採訪：卓寶花
攝影：陳順禎
from:http://hk.apple.nextmedia ... 151030/19352812

廷伸閱讀/相關主題推介:

相關主題:楊千嬅丁子高

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-11-12 19:26 發短消息

千嬅錯刪電話簿被老公鬧

千嬅同Jan在新片中演感情轉淡的夫妻。

楊千嬅與林海峰（Jan）早前為新片《哪一天我們會飛》拍攝宣傳海報，戲中二人飾演一對感情轉淡的夫妻，每場都是內心戲，劇情有幕是千嬅看見Jan的手機訊息後發現秘密，令關係直插谷底。千嬅自爆現實中曾與老公丁子高亦為了手機資料而吵大鑊，她說：「唔一定係男女感情問題，我曾經唔小心亂㩒，洗晒佢手機入面嘅聯絡電話，俾佢鬧到癲！」

千嬅坦言老公知道她的手機密碼，夫妻間無秘密，她說：「因為我成日唔記得密碼，鎖過好多次手機，所以佢要幫我記住。其實有心呃你又點會咁笨喺電話度留低蛛絲馬迹，亦唔使靠手機去發現佢呃你。」

撰文：炎炯炯
from:http://hk.apple.nextmedia ... 151103/19357338

TOP

3^# 大中小 young 發表於 2015-11-12 19:35 發短消息

丁子高為仔搵老婆

丁子高睇中吳彥祖囡囡做媳婦。

楊千嬅老公丁子高昨到尖沙嘴出席活動，對於林海峰（Jan）爆千嬅夫婦嗌交，笑言誰娶着千嬅就大鑊，丁子高說：「我好就得老婆，去到終極佢堅持嘅，我都會就佢。」千嬅曾笑言想搵襯家，睇中吳彥祖、鄭中基和陳奕迅的女兒，丁子高笑說：「睇牌面混血兒唔錯，我見過Raven（吳彥祖女兒）張相，真係幾靚女，不過都要睇Torres實力，睇吓有冇遺傳我啲因子。」

此外，出道20年的千嬅日前首次在新加坡開騷，老公愛相隨在後台打點，更在社交網貼合照晒恩愛，千嬅更唱了當地歌手林俊傑歌曲《她說》冧觀眾。

採訪、攝影：羅慧敏
from:http://hk.apple.nextmedia ... 151104/19358769

TOP

4^# 大中小 young 發表於 2015-11-12 20:16 發短消息

千嬅唔怕臨老着泳衣

楊千嬅與林海峰（右）前日在港大跟學生舉行座談會，鼓勵同學放膽追尋夢想。

楊千嬅、林海峰跟導演黃修平為新片《哪一天我們會飛》宣傳，前日在香港大學跟學生舉行座談會。千嬅表示夢想會令人長命，鼓勵同學放膽追尋夢想。

林海峰笑言首次到最高學府：「學生俾我哋嘅衝擊很大，同學嘅夢想同看法原來比我哋更深入，我哋𠵱家嘅夢想會放喺子女身上。」千嬅話：「我今年42歲，想做一啲做唔到嘅嘢，因為唔想到死嗰日有遺憾，不過有時失敗咗畀人笑你臨老着泳衣呀，不過我着到你吹呀！我都唔驚，大家咁後生驚乜先！」

另外，《哪》片前日上映票房只有35萬元，反而已上映3星期的《我的少女時代》仍有57萬元，而首位是荷李活大片《007：鬼影帝國》，有327萬元票房。

撰文：李森
from:http://hk.apple.nextmedia ... 151107/19363095

TOP

5^# 大中小 young 發表於 2015-11-13 17:07 發短消息

千嬅

千嬅稍後為到雲頂演出作準備。

楊千嬅昨日去到尖沙嘴連卡佛Givenchy Beauty專櫃，示範最新系列唇膏。隨即要準備雲頂演唱會，以及內地音樂節目的千嬅，前日未能抽身出席多個活動，原先吩咐老公丁子高代出席，豈料丁子高突然食物敏感臉部腫脹，千嬅說：「佢同客食飯，之後塊面腫晒，佢食蝦會引發食物敏感，之前試過唞唔到氣，可能泰國餐廳煮嘅湯落咗蝦頭，個仔見到佢話好驚，我話佢個頭腫到變形俠醫咁，佢仲講笑叫我錫佢一啖，我已經好𤷪，只係摸咗佢塊面一下。」

千嬅擔心囝囝Torres亦遺傳食物敏感，所以對其飲食挑選非常小心，她說：「蝦蟹冇畀佢食，花生都只係食少少。」

採訪、攝影：張俊銘
from:http://hk.apple.nextmedia ... 151113/19370559

TOP